હમશકલમાં ટ્રિપલ રોલમાં દેખાશે સૈફ-રીતેશ-રામ

મુંબઈ, 25 જૂન : બૉલીવુડ અભિનેતાઓ સૈફ અલી ખાન, રીતેશ દેશમુખ તથા રામ કપૂર આગામી હાસ્ય ફિલ્મ હમશકલમાં ત્રેવડી ભૂમિકાઓમાં નજરે પડશે. આવતા વર્ષે જૂનમાં રિલીઝ થનાર ફિલ્મનું શૂટિંગ આ વર્ષે સપ્ટેમ્બરમાં શરૂ થશે.

પૂજા એંટરટેનમેંટ એન્ડ ફિલ્મ્સ લિમિટેડ તથા ફૉક્સ સ્ટાર સ્ટુડિયોના સહ-નિર્માણમાં બનનાર હમશકલ ફિલ્મનું દિગ્દર્શન સાજિદ ખાન કરશે. સાજિદ અગાઉ હે બેબી, હાઉસફુલ તેમજ હાઉસફુલ 2 જેવી ફિલ્મો બનાવી ચુક્યાં છે.

એક નિવેદનમાં જણાવાયું છે કે હમશકલ કૉમેડી ફિલ્મ હશે. ત્રણે કલાકારો રામ કપૂર, સૈફ અલી ખાન તેમજ રીતેશ દેશમુખ ત્રણ જુદી-જુદી ભૂમિકાઓમાં નજરે પડશે. ફિલ્મનું મોટાભાગનું શૂટિંગ વિદેશમાં કરવામાં આવશે.

English summary

Actors Saif Ali Khan, Riteish Deshmukh and Ram Kapoor will take on triple roles in comedy entertainer "Humshakal", which will go on floors in September and will hit the screens June 6, 2014.