બૉમ્બે ટૉકીઝમાં રોમાંસ કરશે રાણી અને રણદીપ

Updated: Monday, February 11, 2013, 17:58 [IST]

મુંબઈ, 11 ફેબ્રુઆરી : બૉલીવુડના ટોચના અભિનેત્રી રાણી મુખર્જી ટુંકમાં બૉમ્બે ટૉકીઝમાં રણદીપ હુડા સાથે રોમાંસ કરતાં નજરે પડશે. અરે ભાઈ, બૉમ્બે ટૉકીઝ એટલે કે કરણ જૌહરની આવનાર ફિલ્મનું નામ છે બૉમ્બે ટૉકીઝ.

રણદીપ હુડા ગત વર્ષે જિસ્મ 2 ફિલ્મમાં હતાં અને ઘણાં હૉટ સીન્સ આપ્યા હતાં, તો રાણીએ પણ ગત વર્ષે ઐય્યા ફિલ્મ કરી હતી. હવે કરણ જૌહર બૉમ્બે ટૉકીઝ ફિલ્મ બનાવી રહ્યાં છે, જેમાં રણદીપ અને રાણીને કાસ્ટ કરાયાં છે. કરણ માટે રાણી મુખર્જી તથા કાજોલ હંમેશા લકી રહી છે. કરણની ફિલ્મમાં છેલ્લી વાર રાણી કભી અલવિદા ના કહનામાં દેખાયા હતાં અને હવે બૉમ્બે ટૉકીઝમાં દેખાશે.

રણદીપ કરણની ફિલ્મમાં પહેલી વાર કામ કરશે. રણદીપ આજકાલ ચર્ચામાં છે, કારણ કે તેમની ઉપર ભટ્ટ કૅમ્પ મહેરબાન છે. જિસ્મ 2માં સન્ની લિયોન સાથે હૉટ સીન્સ અંગે ચર્ચામાં આવ્યા બાદ ટુંકમાં જ રણદીપ ભટ્ટ કૅમ્પની જ મર્ડર 3માં પણ દેખાવાના છે કે જે 15મી ફેબ્રુઆરીએ રિલીઝ થશે.