સ્ટાઇલ સાથે નવા વર્ષમાં પગલું માંડશે પ્રિયંકા!

Updated: Wednesday, October 8, 2014, 14:55 [IST]

મુંબઈ, 20 ડિસેમ્બર : બૉલીવુડ અભિનેત્રી પ્રિયંકા ચોપરા નવા વર્ષે ચેન્નઈમાં પોતાના ફૅન્સને એક યાદગાર સાંજ આપવાની તૈયારીઓ કરી રહ્યાં છે. આ અભિનેત્રી અને ગાયિકા પોતાના લાઇવ પરફૉર્મન્સ માટે ગીતોની યાદી બનાવી રહ્યાં છે. પ્રિયંકા ચોપરા આ પરફૉર્મન્સ ચેન્નઈ ખાતેની પાર્ક હયાત હોટેલમાં આપવાનાં છે.

પ્રિયંકા ચોપરાનું કહેવું છે કે તેઓ નવા વર્ષમાં સ્ટાઇલ સાથે પગલુ મુકવા માંગે છે. પ્રિયંકાએ શુક્રવારે ટ્વીટ કર્યું - પાર્ક હયાત ચેન્નઈ ખાતે નૂતન વર્ષની સાંજે પોતાના પરફૉર્મન્સ માટે ગીતોની યાદી બનાવી રહી છું. એ બાબતનો ખ્યાલ રાખી રહી છું કે આપણે નવા વર્ષમાં સ્ટાઇલ સાથે પગલુ મૂકીએ. આપને ત્યાં મળુ છું.

પ્રિયંકાએ વર્ષ 2012માં પોતાના પ્રથમ ગીત ઇન માય સિટી લૉન્ચ કર્યા બાદ આ વર્ષે પોતાનું બીજુ આંતરરાષ્ટ્રીય ગીત એક્ઝોટિક રિલીઝ કર્યુ હતું. આ ગીતમાં પ્રિયંકા સાથે રૅપર પિટબુલ પણ નજરે પડ્યા હતાં. નોંધનીય છે કે પ્રિયંકા ચોપરાએ ચેન્નઈ ખાતેના આ કાર્યક્રમ માટે 7 મિનિટના છ કરોડ રુપિયા લીધા છે.