પૂનમને મળી બીજી ફિલ્મ, ‘ખરાબ માર્કેટિંગનો ભોગ બની નશા, હવે નિરાશ નહીં કરું...’

Updated: Saturday, September 6, 2014, 17:07 [IST]

મુંબઈ, 6 સપ્ટેમ્બર : પૂનમ પાન્ડે એટલે કે વિવાદોની રાણી. પૂનમ પાન્ડે સતત વિવાદોમાં રહે છે અને ચર્ચામાં પણ રહે છે. પોતાની પહેલી જ ફિલ્મ નશા દ્વારા બૉલીવુડમાં છવાઈ જવાના સપના સેવનાર પૂનમ પાન્ડેના એ ઓરતા તો પૂરા ન થયા. એટલુ જ નહીં, પૂનમ પાન્ડે નશા ફ્લૉપ થયા બાદ પણ કહે છે કે તેઓ પાસે ફિલ્મોની ઑફર તો ઘણી આવતી હતી, પણ તેઓ સારી સ્ક્રિપ્ટની રાહ જોતા હતાં.

ખેર, પૂનમ પાન્ડે સાચુ બોલે છે કે ખોટુ, તે તો તેઓ જ જાણે, પરંતુ હાલ તો એવુ લાગે છે કે તેમનો ઇંતેજાર પૂરો થઈ ગયો છે. પૂનમ પાન્ડેએ નશા બાદ બીજી ફિલ્મ સાઇન કરી છે. એટલે કહી શકાય કે પૂનમને સ્ક્રિપ્ટ સારી મળી અને એટલે જ તેમણે ફિલ્મ સાઇન કરી લીધી છે. પૂનમનું કહેવુ છે કે નશા ફિલ્મ ફ્લૉપ થવાનું કારણ તેનું ખરાબ માર્કેટિંગ હતું. એટલુ જ નહીં, પૂનમે પોતાના દર્શકોને વાયદો કર્યો છે કે તેઓ હવે તેમને નિરાશ નહીં કરે.

ચાલો તસવીરો સાથે જાણીએ પૂનમ પાન્ડેની બીજી ફિલ્મનું નામ અને તે અંગેની વિસ્તૃત માહિતી :

બીજી ફિલ્મ સ્વીકારી

વિવાદોમાં રહેનાર પૂનમ પાન્ડેએ અંતે બીજી ફિલ્મ માટે હા કહી દીધી છે.

એક્સાઇટેડ પૂનમ

પૂનમ પાન્ડે પોતાની બીજી ફિલ્મને લઈને ખૂબ જ રોમાંચિત છે.

નિરાશ નહીં કરું

પૂનમે કહ્યું કે આ વખતે તેઓ દર્શકોને નિરાશ નહીં કરે.

અનેક સ્ક્રિપ્ટ્સ ઠુકરાવી

પૂનમે જણાવ્યું - હું આપને બતાવી નથી શકતી કે મેં નશા બાદ કેટલી સ્ક્રિપ્ટ્સ ફગાવી દીધી છે.

ધ વર્લ્ડ નેટવર્ક્સ

પૂનમ પાન્ડેની આગામી ફિલ્મનું નામ છે ધ વર્લ્ડ નેટવર્ક્સ.

ગપ્પા નથી મારતી

પૂનમે કહ્યું - લોકોને લાગશે કે હું ગપ્પા મારી રહી છું, પણ જ્યારે ધ વર્લ્ડ નેટવર્ક્સના નિર્માતા આ ઑફર સાથે મારી પાસે આવ્યા, તો મને લાગ્યું કે આ પ્રોજેક્ટ મારી બીજી ફિલ્મ માટે એકદમ બરાબર છે.