બાયોપિક ફિલ્મ ‘પીએમ નરેન્દ્ર મોદી' નું પહેલુ પોસ્ટર રિલીઝ, મોદી લુકમાં વિવેક

પ્રધાનમંત્રી નરેન્દ્ર મોદીની બાયોપિક ફિલ્મ પીએમ નરેન્દ્ર મોદીનું ફર્સ્ટ લુક પોસ્ટર રિલીઝ કરવામાં આવ્યુ છે.

Published: Tuesday, January 8, 2019, 10:05 [IST]

પ્રધાનમંત્રી નરેન્દ્ર મોદીની બાયોપિક ફિલ્મ પીએમ નરેન્દ્ર મોદીનું ફર્સ્ટ લુક પોસ્ટર રિલીઝ કરવામાં આવ્યુ છે. વિવેક ઓબેરોય નરેન્દ્ર દામોદર દાસ મોદીના લુકમાં જોવા મળી રહ્યા છે. તેમણે લગભગ પીએમ મોદીના લુકને મેચ કર્યુ છે. તેમની પાછળ રાષ્ટ્રીય ધ્વજ લહેરાતો જોવા મળી રહ્યો છે અને ફિલ્મને પંચલાઈન આપવામાં આવી છે ઉ- દેશભક્તિ જ મારી શક્તિ. ફિલ્મનું પોસ્ટર 23 ભાષાઓમાં લોન્ચ કરવામાં આવ્યુ છે. નોંધનીય છે કે 2019 પહેલા આ ફિલ્મ મોદી માટે માસ્ટર સ્ટ્રોક સાબિત થઈ શકે છે.

તમને જણાવી દઈએ કે ફિલ્મનું નિર્દેશન કરી રહેલા ઓમંગ કુમાર આ પહેલા સરબજીત અને મેરી કોમની બાયોપિક પણ બનાવી ચૂક્યા છે. આ ફિલ્મો બોક્સ ઓફિસ પર સારી ચાલી અને ફેન્સની અપેક્ષાઓ પર પણ ખરી ઉતરી. પ્રધાનમંત્રી નરેન્દ્ર મોદીની આ બાયોપિકમાં તેમના જીવનની ઘણી ઘટનાઓને પડદા પર ઉતારવામાં આવશે. આ ફિલ્મથી વિવેક ઓબેરોયને ઘણી અપેક્ષાઓ છે. તે ઘણા વર્ષો બાદ આ ફિલ્મથી કમબેક કરવા જઈ રહ્યા છે. ફિલ્મના પ્રોડ્યુસર્સમાં વિવેક ઓબેરૉયના પિતા સુરેશ ઓબેરૉય પણ શામેલ છે.

હાલમાં વિવેક બોલિવુડમાં નહિ પરંતુ સાઉથની ફિલ્મોમાં વધુ સક્રિય છે. તેમણે અજીત કુમાર સાથે વિવેગમ જેવી સુપરહિટ ફિલ્મ પણ આપી હતી. મીડિયાના રિપોર્ટ અનુસાર બાયોપિકમાં પ્રાઈમ મિનિસ્ટરની ભૂમિકા માટે વિવેક ઓબેરૉયને સિલેક્ટ કરતા પહેલા પરેશ રાવલને કન્સીડર કરવામાં આવી રહ્યા હતા. ફિલ્મનું શૂટિંગ દિલ્લી, ગુજરાત હિમાચલ પ્રદેશ અને ઉત્તરાખંડમાં થશે.

Published On January 8, 2019