VIDEO: પ્રિયંકા-નિકના લગ્નની તૈયારીઓ શરૂ, મુંબઈના ઘરને દુલ્હનની જેમ સજાવાયુ

‘દેસી ગર્લ' પ્રિયંકા ચોપડાના લગ્નમાં હવે થોડા જ દિવસો બચ્યા છે. મુંબઈમાં પ્રિયંકાના ઘરને લગ્ન માટે સજાવવામાં આવ્યુ છે.

'દેસી ગર્લ' પ્રિયંકા ચોપડાના લગ્નમાં હવે થોડા જ દિવસો બચ્યા છે. પ્રિયંકા અને તેના ફિયાન્સ નિક જોનસ જોધપુરના ઉમેદ ભવનમાં ડિસેમ્બરના પહેલા સપ્તાહમાં લગ્નના બંધનમાં બંધાઈ જશે. લગ્ન માટે નિક જોનસ ભારત પણ આવી ચૂક્યા છે. બંને તરફ લગ્નની તૈયારીઓ જોરશોરથી ચાલી રહી છે. મુંબઈમાં પ્રિયંકાના ઘરને પણ લગ્ન માટે સજાવવામાં આવ્યુ છે. તેમની બિલ્ડિંગને સુંદર લાઈટોથી સજાવવામાં આવ્યુ છે જેનો વીડિયો ઈન્ટરનેટ પર વાયરલ થઈ ગયો છે.

બે રસમોથી લગ્ન કરશે પ્રિયંકા અને નિક

ઈન્ટરનેટ પર વાયરલ થયેલા વીડિયોમાં પ્રિયંકાના ઘરને સુંદર લાઈટોથી સજાવેલુ જોઈ શકાય છે. બંને હાલમાં મુંબઈમાં છે અને ત્યાંથી જોધપુર લગ્ન માટે નીકળશે. પ્રિયંકા અને નિકના લગ્નના કાર્યક્રમ 28 નવેમ્બરથી શરૂ થઈ જશે. બંને 2 અને 3 ડિસેમ્બરે લગ્નના બંધનમાં બંધાઈ જશે. 2 ડિસેમ્બરે પંજાબી રીતિ રિવાજથી લગ્ન થશે. વળી, 3 ડિસેમ્બરે ક્રિશ્ચિયન રીતિ રીવાજથી બંને લગ્ન કરશે. કહેવાઈ રહ્યુ છે કે હિંદુ લગ્ન માટે પ્રિયંકા અબુ જાની-સંદીપ ખોસલાની ડિઝાઈન કરેલો ડ્રેસ પહેરશે અને ક્રિશ્ચિયન લગ્ન માટે તેમણે રાફ લૉરેનને પસંદ કર્યા છે.

View this post on Instagram

It's shaadi time as guests start arriving at #priyankachopra home for the big wedding. #nickjonas #priyankakishaadi @viralbhayani

A post shared by Viral Bhayani (@viralbhayani) on Nov 25, 2018 at 8:17am PST

લગ્ન બાદ મુંબઈ અને દિલ્હીમાં થશે રિસેપ્શન

જોધપુરમાં લગ્ન બાદ પ્રિયંકા ચોપડા બે રિસેપ્શન આપશે. આમાંથી એક રિસેપ્શન મુંબઈમાં તેમના ફિલ્મ ઈન્ડસ્ટ્રીના દોસ્તો માટે હશે. વળી, બીજુ રિસેપ્શન દિલ્લીમાં રાખવામાં આવશે. બંનેના રિલેશનશીપની વાત કરીએ તો તેમના અફેરના સમાચારો ગયા વર્ષે આવવા શરૂ થઈ ગયા હતા જ્યારે બંને સાથે મેટ ગાલામાં આવ્યા હતા. પ્રિયંકાએ આના પર સ્પષ્ટતા આપતા કહ્યુ હતુ કે બંને બસ એકબીજાને સારી રીતે જાણે છે અને એમ જ બંને સાથે મેટ ગાલામાં આવી ગયા પરંતુ ફરીથી આ વર્ષે મેમાં આ સંબંધ પર મહોર લાગી ગઈ.

View this post on Instagram

And the lights are shining bright at soon to be #bride #priyankachopra house in Mumbai today #sunday @manav.manglani

A post shared by Manav Manglani (@manav.manglani) on Nov 25, 2018 at 7:06am PST

ઓગસ્ટમાં મુંબઈમાં થઈ હતી બંનેની રોકા સેરેમની

નિકે પ્રિયંકાના જન્મદિવસ પર તેમને પ્રપોઝ કર્યુ અને બંનેએ ત્યારે જ સગાઈ કરી લીધી. બંનેએ 18 ઓગસ્ટે મુંબઈમાં રોકા સેરેમની કરીને પોતાના સંબંધને પબ્લિક કર્યો હતો. મુંબઈ સ્થિત પ્રિયંકાના ઘરે પંજાબી રીતિ રીવાજથી રોકાની સેરેમની થઈ હતી. જેમાં શામેલ થવા નિકના માતાપિતા પણ ભારત આવ્યા હતા. રોકા સેરેમનીમાં માત્ર બંનેના પરિવાર અને નજીકના સંબંધીઓ જ શામેલ થયા હતા. તે જ સાંજે પ્રિયંકાએ પોતાના ફિલ્મી દોસ્તો માટે એક નાની પાર્ટી પણ રાખી હતી.

English summary

Nickyanka Wedding: Ahead Of Wedding With Nick Jonas, Priyanka Chorpa's House Is All Lit Up.