Pathaan ના વિરોધમાં થિયેટરમાં ઘુસીને પોસ્ટર ફાડ્યા, જાણો ક્યાંની છે ઘટના?

દીપિકાની ભગવા બિકીનીને લઈને હજુ પણ પઠાણનો વિરોધ યથાવત છે. ફિલ્મ બ્લોક બસ્ટર સાબિત થઈ રહી છે ત્યારે મુંબઈમાં કેટલાક લુખ્ખા તત્વોએ થિયેટરમાં તોડફાડ કરી હતી.

By Desk

Published: Monday, January 30, 2023, 14:53 [IST]

આ દિવસોમાં શાહરૂખ ખાન અને દીપિકા પાદુકોણની ફિલ્મ Pathaan થિયેટરોમાં ધુમ મચાવી રહી છે. બ્લોકબસ્ટર સાબિત થયેલી Pathaan નો વિરોધ પણ યથાવત અને સતત નાની મોટી ઘટનાઓ સામે આવી રહી છે ત્યારે હવે થિયેટરમાં ઘુસીને કેટલાક લોકોએ પોસ્ટર ફાડ્યા હોવાના સમાચાર સામે આવ્યા છે.

ફિલ્મના સોંગમાં દીપિકાની બિકીનીને લઈને વિવાદે ચડેલી પઠાણનો હજુ પણ વિરોધ યથાવત છે. જો કે તેના કારણે ફિલ્મને નુકસાન થવાની જગ્યાએ ફાયદો થઈ રહ્યો છે અને ધમાકેદાર કમાણી કરી રહી છે. ફિલ્મના ધમાકેદાર પ્રદર્શન વચ્ચે રવિવારે કેટલાક લુખ્ખા તત્વોએ મુંબઈના એક થિયેટરમાં આતંક મચાવ્યો હતો. ફિલ્મના વિરોધમાં આ તત્વો થિયેટરમાં ઘુસ્યા હતા અને તોડફોડ કરી હતી.

મળી રહેલી વિગતો અનુસાર, ભગવા ઝંડા સાથે આ ભીડ થિયેટરમાં ઘુસી હતી અને આતંક મચાવ્યો હતો. આ તત્વો શાહરૂખ ખાન અને દીપિકાને લઈને નારેબાજી કરી રહ્યા હતા અને જય શ્રીરામના નારા લગાવીને થિયેટરમાં આતંક મચાવ્યો હતો.

આ તત્વો થિયેટરમાં અંદર નારા લગાવતા જોવા મળ્યા હતા અને પઠાણના પોસ્ટરને નુકસાન પહોંચાડ્યું હતું. જો કે આ તત્વો સ્ક્રીન સુધી પહોંચે તે પહેલા જ સુરક્ષા કર્મીઓએ રોકી દીધા હતા. અહીં તમને જણાવી દઈએ કે દીપિકાની ભગવા બિકીનીને કારણે કેટલાક લોકો સતત વિરોધ કરી રહ્યા છે.

Published On January 30, 2023