અંતે ફ્લૉપ થઈ ગઈ હિમ્મતવાલા, માત્ર 30 કરોડની કમાણી

મુંબઈ, 1 એપ્રિલ : સાજિદ ખાનના દિગ્દર્શન હેઠળની હિમ્મતવાલા ફિલ્મ અંતે ફ્લૉપ સાબિત થઈ છે. હિમ્મતવાલા ફિલ્મની પ્રથમ વીકેન્ડની કમાણી માત્ર 30 કરોડ રુપિયા થઈ છે. એ પણ ત્યારે કે જ્યારે ફિલ્મને ટક્કર આપવા માટે બીજી કોઈ ફિલ્મ હતી જ નહીં.

હિમ્મતવાલા ફિલ્મ અજય દેવગણની સન ઑફ સરદાર ફિલ્મના કલેક્શનને પણ સ્પર્શી શકી નહીં. અજય દેવગણ અને તમન્ના ભાટિયાની ભૂમિકા ધરાવતી ફિલ્મ હિમ્મતવાલા અંગે ક્રિટિક્સ તરફથી પણ સારા પ્રત્યાઘાતો મળ્યા નહોતાં.

જિતેન્દ્ર અને શ્રીદેવીની 1983માં આવેલી હિમ્મતવાલા ફિલ્મની રીમેકમાં સોનાક્ષી સિન્હાનું આયટમ સૉંગ પણ હતું, પરંતુ તે પણ કંઈ કમાલ ન કરી શક્યો. સાજિદ ખાનના દિગ્દર્શનનો ફિયાસ્કો થઈ ગયો છે.

મળતી માહિતી મુજબ શનિવારે અને રવિવારે હિમ્મતવાલા ફિલ્મના બિઝનેસમાં મોટી ઓટ આવી. પ્રથમ વીકેન્ડમાં હિમ્મતવાલાએ માત્ર 31.1 કરોડ રુપિયાનો બિઝનેસ કર્યો. શુક્રવારે 12.1 કરોડ, શનિવારે 8.5 કરોડ અને રવિવારે 10.5 કરોડનો બિઝનેસ કરી શકી હિમ્મતવાલા.

English summary

Himmatwala starring Ajay Devgn and Tamannaah in the lead roles, has concluded the first weekend with a decent collection at the Indian Box Office. Himmatwala has collected Rs 31.1 crores nett at the Indian Box Office in the first weekend.