Pics : બૉલીવુડની વેશ્યાઓ-મીનાથી કરીના સુધી

Published: Wednesday, November 28, 2012, 18:01 [IST]

મુંબઈ, 28 ઑક્ટોબર. રીમા કાગતીની ફિલ્મ તલાશ 30મી નવેમ્બરે રિલીઝ થનાર છે. ફિલ્મના મુખ્ય કલાકારો છે આમિર ખાન, રાણી મુખર્જી અને કરીના કપૂર. લગ્ન બાદ કરીનાની આ પ્રથમ ફિલ્મ છે કે જે રિલીઝ થવા જઈ રહી છે. ફિલ્મમાં તેઓ એક વેશ્યાના પાત્રમાં છે. ફિલ્મમાં પોતાની ભૂમિકા અંગે ઉત્સાહિત કરીનાએ જણાવ્યું છે કે આ પાત્ર તેમની અત્યાર સુધીની તમામ ફિલ્મો કરતાં જદું હશે.

જોકે કરીના પહેલી વાર કોઈ ફિલ્મમાં વેશ્યા નથી બન્યાં. આ અગાઉ પણ તેઓ ચમેલી ફિલ્મમાં વેશ્યાનો રોલ કરી ચુક્યાં છે. હવે જોઇએ બૉલીવુડમાં અત્યાર સુધી વેશ્યાનો રોલ કરી તે પાત્રને યાદગાર બનાવી દેનાર અભિનેત્રીઓની તસવીરી ઝલક.

મુઘલ-એ-આઝમ

કે. આસિફની મુઘલ-એ-આઝમ ફિલ્મમાં અનારકલીનું પાત્ર ભજવનાર મુધાબાલાએ એક કનીઝનું પાત્ર એવી રીતે ભજવ્યું કે જે ભારતીય સિનેમામાં સીમાચિહ્ન રૂપ બની ગયું.

પાકીઝા

ફિલ્મ પાકીઝા અભિનેત્રી મીના કુમારીએ એક સુંદર, પણ ત્રસ્ત તવાયફનો રોલ કર્યો હતો. પાકીઝા ભારતીય સિનેમાની તેવી ફિલ્મ છે કે જેની આગળ દરેકે દરેક માથું ઝુકાવે છે.

ઉમરાવ જાન

ફિલ્મ ઉમરાવ જાનમાં રેખાએ એવો જીવંત રોલ કર્યો કે જે કરવું દરેકના વશની વાત નથી હોતી. રેખાને આ ફિલ્મ માટે નેશનલ ઍવૉર્ડ મળ્યો અને હિન્દી સિનેમા માટે રેખા ઉમરાવ જાન બની ગયાં.

ચાંદની બાર

ચાંદની બાર ફિલ્મમાં તબ્બુએ વેશ્યાનો રોલ કર્યો હતો. ફિલ્મ માટે તબ્બુએ બેસ્ટ એક્ટ્રેસનો નેશનલ ઍવૉર્ડ પણ મેળવ્યો હતો.

દેવદાસ

ફિલ્મ દેવદાસમાં માધુરી દીક્ષિતે વેશ્યાનુ પાત્ર ભજવ્યુ હતું. ફિલ્મ જોરદાર હિટ થઈ હતી. માધુરીએ ફિલ્મ માટે બેસ્ટ સપોર્ટિંગ એક્ટ્રેસ તરીકેનો ઍવૉર્ડ મેળવ્યો હતો.