'સર એક કિસ હોય જાય' ઈવેંટમાં ઉદિત નારાયણ સાથે પાપારાઝીએ કેમ કરી આવી મજાક? સિંગરે આપ્યુ આવુ રિએક્શન

બોલિવુડના કલાકારો કંઈ પણ રીતે ચર્ચામાં રહેવા માંગતા હોય છે. ઘણા કલાકારો એવા સ્ટેટમેન્ટ આપતા હોય છે જેના કારણે કોન્ટ્રોવર્સી પણ થતી હોય છે, જોકે, આ કોન્ટ્રોવર્સીને કારણે તેઓ ચર્ચાઓ અથવા તો સમાચારોમાં રહેવા માંગતા હોય છે.

ત્યારે હાલમાં ગાયક કલાકાર ઉદિત નારાયણ ચર્ચામાં છે.પ્રખ્યાત બોલિવૂડ પ્લેબેક સિંગર ઉદિત નારાયણ તેમના ઉત્તમ અને સુરીલા અવાજ માટે જાણીતા છે. આ ગાયકે પોતાની કારકિર્દીમાં ઘણા મહાન ગીતો ગાયા છે.

જોકે, ઉદિત છેલ્લા કેટલાક સમયથી કોઈ વિવાદને કારણે સમાચારમાં છે. તે જ્યાં પણ જાય છે, કોઈને કોઈ વિવાદની ચર્ચા ચોક્કસ થાય છે.

તાજેતરમાં ઉદિત નારાયણે ડોક્યુમેન્ટરી શ્રેણી 'ધ રોશન્સ' ની સક્સેસ પાર્ટીમાં હાજરી આપી હતી. આ દરમિયાન ફોટોગ્રાફરોએ મજાકમાં તેમને ચુંબન માટે કહ્યું, 'સર એક કિસ હો જાય.'

આ સાંભળીને ઉદિત નારાયણ હસ્યા પણ તેઓ કંઈ પણ બોલ્યા વિના તરત જ ત્યાંથી ચાલ્યા ગયા.જ્યારે આ વીડિયો રેડિટ પર વાયરલ થયો, ત્યારે નેટીઝન્સે ઘણી રમુજી પ્રતિક્રિયાઓ આપી.

એક યુઝરે મજાકમાં કહ્યું, "આ તો મજાક છે પણ જો ઉદિત વીડિયોગ્રાફર્સને પકડી લે અને તેની ઇચ્છા પૂરી કરે તો શું?"જ્યારે બીજાએ ટિપ્પણી કરી, "મહિલા થોડી ગભરાયેલી દેખાતી હતી કે ઉદિત અચાનક તેને કિસ કરશે."

ઉદિત નારાયણના કિસ વિવાદ પછી તેમના જૂના વીડિયો સોશિયલ મીડિયા પર વાયરલ થઈ રહ્યા છે. જેમાં ગાયક અનેક સેલિબ્રિટીઓને કિસ કરતો જોવા મળ્યો હતો.

એક ક્લિપમાં, ઉદિત ઈન્ડિયન આઈડલના એક કાર્યક્રમ દરમિયાન અલ્કાના ગાલ પર ચુંબન કરે છે, જેનાથી અલ્કા ચોંકી જાય છે અને તરત જ પાછળ હટી જાય છે. બીજી ક્લિપમાં, જ્યારે ઉદિત બીજા એક કાર્યક્રમમાં અલ્કાને ફરીથી ચુંબન કરે છે ત્યારે તે અસ્વસ્થતા અનુભવે છે.

ચાલો તમને જણાવીએ કે ઉદિત નારાયણે બોલિવૂડ હંગામાને આપેલા ઇન્ટરવ્યુમાં કયા વિવાદ પર સ્પષ્ટતા કરી હતી. તેમણે કહ્યું, "શું મેં ક્યારેય એવું કંઈ કર્યું છે જેનાથી મને મારા પરિવારને કે મારા દેશને શરમ આવે? તો પછી આ ઉંમરે હું આવું કેમ કરીશ, જ્યારે મેં બધું જ પ્રાપ્ત કરી લીધું છે?

મારી અને મારા ચાહકો વચ્ચે એક ઊંડો સંબન છે. તમે તે વિવાદાસ્પદ વીડિયોમાં જે જોયું તે મારા અને મારા ચાહકો વચ્ચેના પ્રેમનું પ્રતીક હતું. તેઓ મને પ્રેમ કરે છે, અને હું તેમને વધુ પ્રેમ કરું છું."