'મોલમાં ભીડ વચ્ચે એક વ્યક્તિએ મને કહ્યું...', અભિનેત્રીએ વ્યક્ત કર્યું દુઃખ

મલયાલમ ફિલ્મની એક લોકપ્રિય અભિનેત્રીએ ઈન્સ્ટાગ્રામ પર પોતાની પોસ્ટ દ્વારા ચોંકાવનારો ખુલાસો કર્યો છે. તેણે કહ્યું છે કે, ઉત્તર કેરળના એક મોલમાં ફિલ્મના પ્રમોશન દરમિયાન તેની સાથે યૌન શોષણ થયું હતું. આ પોસ્ટમાં તેની સાથે બનેલી ઘટનાનો ઉલ્લેખ કરતા અભિનેત્રીએ કહ્યું કે, મંગળવારે મોડી રાત્રે વ્યસ્ત મોલમાં આયોજિત એક કાર્યક્રમ દરમિયાન અન્ય અભિનેત્રીએ પણ આવો જ અનુભવ કર્યો હતો. આ ઘટનાનો એક કથિત વીડિયો પણ સોશિયલ મીડિયા પર વાયરલ થયો હતો અને સ્થાનિક ટીવી ચેનલો દ્વારા પણ પ્રસારિત કરવામાં આવ્યો હતો.

ટોળા દ્વારા દુર્વ્યવહાર કરવામાં આવ્યું

પોસ્ટ શેર કરતાં અભિનેત્રીએ કહ્યું, કોઝિકોડ એક એવી જગ્યા છે, જે મને ખૂબ જ પસંદ હતી, પરંતુ રાત્રે એક કાર્યક્રમમાંથી પરત ફરતી વખતે, ભીડમાંથી એક વ્યક્તિએ મને પકડી લીધી. મને આ કહેતા પણ અણગમો લાગી રહ્યું છે. શું આપણી આસપાસના લોકો એટલા નિરાશ છે? અમે પ્રમોશન માટે ઘણી જગ્યાએ ગયા હતા, પરંતુ મને ક્યારેય આવો ખરાબ અનુભવ થયો નથી. મારી સાથી અભિનેત્રી સાથે પણ આવું જ થયું છે. બીજી એક અભિનેત્રી કે, જેનું ટોળા દ્વારા દુર્વ્યવહાર કરવામાં આવ્યું હતું. તેણે પણ પોતાના ઈન્સ્ટાગ્રામ દ્વારા પોતાનો દર્દનાક અનુભવ શેર કર્યો છે.

તે ઈચ્છે છે કે દોષિતોને સજા મળે

તેમણે કહ્યું કે, મોલમાં ભીડ હતી અને સુરક્ષાકર્મીઓ ભીડને કાબૂમાં લેવા માટે સંઘર્ષ કરી રહ્યા હતા. અભિનેત્રીએ કહ્યું કે, એક વ્યક્તિએ તેની એક કો-સ્ટાર સાથે ખરાબ વર્તન કર્યું, પરંતુ તે પ્રતિક્રિયા આપી શકી નહીં. પાછળથી મને પણ આવા જ અનુભવનો સામનો કરવો પડ્યો હતો, પરંતુ મેં પ્રતિક્રિયા આપી... હું ઈચ્છું છું કે કોઈને પણ તેમના જીવનમાં આ પ્રકારના અનુભવનો સામનો કરવો ન પડે.' અભિનેત્રીએ કહ્યું કે તે ઈચ્છે છે કે દોષિતોને સજા મળે.

બાદ સમગ્ર કાર્યક્રમ ટુંકાવવો પડ્યો

સમગ્ર મામલામાં પોલીસનું કહેવું છે કે, તેમની તરફથી તપાસ શરૂ કરવામાં આવી છે અને ગુનેગારોને ઓળખવા અને તેમને શોધવાનો પ્રયાસ કરવામાં આવી રહ્યો છે. ઉલ્લેખનીય છે કે, એક મહિના પહેલા આ જ મોલમાં આયોજિત એક પ્રમોશનલ ઈવેન્ટમાં પોતાના ફેવરિટ એક્ટરને જોવા માટે ત્યાં એકઠી થયેલી ભીડ બેકાબૂ થઈ ગઈ હતી. જે બાદ સમગ્ર કાર્યક્રમ ટુંકાવવો પડ્યો હતો.

English summary

'A person in the crowd at the mall said to me...', the actress lamented