ટ્રિપલેટ બાળકો સાથે આઉટિંગ પર ફરાહ : જુઓ કેવી રીતે પડ્યાં નામ!

Updated: Monday, July 14, 2014, 14:59 [IST]

મુંબઈ, 31 મે : બૉલીવુડ અભિનેત્રી, ફિલ્મ દિગ્દર્શક તથા કોરિયોગ્રાફર ફરાહ ખાન તેમની આ ઉપાધિઓ ઉપરાંત જો કોઈ વાત માટે જાણીતા હોય, તો તેમના કરતા 8 વર્ષ નાના પુરુષ શિરીષ કુંદર સાથે લગ્ન કરવા અને તેના કરતા પણ વધુ તેમના એક સાથે અવતરેલા ત્રણ એટલે કે ટ્રિપલેટ સંતાનો માટે. ફરાહના ત્રણ સંતાનો ગત ફેબ્રુઆરીમાં છ વર્ષના થઈ ગયાં છે. તેમાં એક પુત્ર અને બે પુત્રીઓ છે.

ફરાહ ખાન હાલ પોતાની આવનાર ફિલ્મ હૅપ્પી ન્યુ ઈયરના શૂટિંગમાં વ્યસ્ત છે. હૅપ્પી ન્યુ ઈયર ફિલ્મમાં શાહરુખ ખાન, દીપિકા પાદુકોણે, અભિષેક બચ્ચન, બોમન ઈરાની અને સોનૂ સૂદ જેવા કલાકારો છે અને તેનું શૂટિંગ પુરજોશમાં ચાલી રહ્યું છે. ફરાહ ખાન ખૂબ જ વ્યસ્ત છે, પરંતુ આમ છતાં તેઓ પોતાના બાળકોને બહુ પ્રેમ કરે છે. એટલે જ તો પોતાના વ્યસ્ત શિડ્યુઅલમાંથી સમય કાઢી ફરાહ પોતાના બાળકોને ફરાવવા પણ લઈ જાય છે.

તાજેતરમાં જ ફરાહ ખાન પોતાના ત્રણે સંતાનો સાથે બાન્દ્રા ખાતે આઉટિંગ કરતા કૅમેરે કેદ થયા હતાં :

ઝાર

આ છે ફરાહ ખાનનો પુત્ર ઝાર (Czar). ઝારનો મતલબ લૅટિન ભાષામાં મહારાજા થાય છે.

દિવા-ઝાર-અન્યા

માતા ફરાહ સાથે મસ્તી કરવા બાંદ્રા પહોંચેલા ત્રણે બાળકો દિવા, ઝાર અને અન્યા. દિવાનો મતલબ લૅટિન ભાષામાં દેવી થાય છે, તો અન્યાનો મતલબ રશિયનમાં કૃપા અને સંસ્કૃતિ અતુટ થાય છે.