રેખા-શ્રીદેવી જેવાં એક્શન રોલ કરવા માંગે છે એશા

મુંબઈ, 6 નવેમ્બર : જન્નત 2, રાઝ 3ડી અને ચક્રવ્યૂહ ફિલ્મોમાં ખૂબ બોલ્ડ નજરે પડનાર અભિનેત્રી એશા ગુપ્તાની હૃદયપૂર્વકની ઇચ્છા છે કે તેઓ પડદાં ઉપર એક્શન રોલ કરે. એશાએ જણાવ્યું કે તેઓ રેખા અને શ્રીદેવીથી ખૂબ પ્રભાવિત છે કે જેમણે પડદા ઉપર રોમાન્ટિક પાત્રો સાથે એક્શન રોલ પણ કર્યાં છે. તેથી એશાને પણ એવા રોલ ગમે છે. એશાએ જણાવ્યું કે તેમને કાયમ લીકથી હટીને રોલ કરવાં ગમે છે. તેથી તેઓ એક્શન રોલ કરવા માંગે છે.

એશાએ જણાવ્યું કે ફિલ્મના ચરિત્ર અંગે સામાન્ય રીતો પાત્રોની વાતો થાય છે, પરંતુ આવું વિચારવું ખોટું છે કારણ કે પડદા ઉપર કલાકાર ચરિત્રને જીવે છે. તેથી જો કોઈ વિલન બનતો હોય, તો તે અસલી જીવનમાં પણ વિલન જેવો હોય, એમ વિચારવું બિલ્કુલ ખોટું છે. એશાએ જણાવ્યું કે જો તેમને પડદા ઉપર નેગેટિવ રોલ મળે, તો તે પણ તેને ભજવવાની કોશિશ કરશે.

મિસ ઇન્ડિયા એશા ગુપ્તાનું કામ રાઝ 3ડીમાં લોકોએ ખૂબ પસંદ કર્યું છે. એશાએ ફિલ્મમાં ઇમરાન હાશમી સાથે અનેક ગરમાગરમ દૃશ્યો આપ્યા હતાં, તો ચક્રવ્યૂહમાં પણ તેઓ એક દમદાર પોલીસ ઇંસ્પેક્ટરના રોલમાં નજરે પડ્યા હતાં.