વાસુ ભાગનાની@25 મૂવીઝ : કૂલી નં 1થી યંગિસ્તાન સુધીની સફર

Updated: Monday, March 24, 2014, 17:41 [IST]

મુંબઈ, 24 માર્ચ : બૉલીવુડના મોસ્ટ પ્રૉમીનંટ નિર્માતા વાસુ ભાગનાની આજે કોઈ પરિચયના મહોતાજ નથી. વાસુ ભાગનાની હાલમાં યંગિસ્તાન ફિલ્મને લઈને ચર્ચામાં છે કે જેમાં તેમના પુત્ર જૅકી ભાગનાની અને નેહા શર્મા છે. વાસુ ભાગનાની દ્વારા નિર્મિત યંગિસ્તાન 25મી ફિલ્મ છે.

વાસુ ભાગનાનીએ ફિલ્મ નિર્માણ ક્ષેત્રે બૉલીવુડ કૅરિયર સને 1995માં શરૂ કર્યુ હતું. તેમણે ગોવિંદા અને કરિશ્મા કપૂર અભિનીત કૂલી નંબર 1 ફિલ્મ બનાવી હતી અને ત્યારથી લઈને યંગિસ્તાન સુધી તેઓ પચ્ચીસ ફિલ્મો બનાવી ચુક્યાં છે. પચ્ચીસ ફિલ્મ નિર્માણની ઉપલબ્ધિના ઉપલક્ષ્યમાં વાસુ ભાગનાનીએ એક શાનદાર પાર્ટીનું આયોજન કર્યુ હતું કે જેમાં બૉલીવુડની અનેક હસ્તીઓએ હાજરી આપી વાસુ ભાગનાની ઉપર અભિનંદન વરસાવ્યા હતાં. આ પાર્ટીમાં અમિતાભ બચ્ચન, યંગિસ્તાન ફિલ્મના કલાકારો જૅકી ભાગનાની, નેહા શર્મા, વાસુ સાથે કામ કરનાર ડેવિડ ધવન, સતીશ કૌશિક, સતીશ શાહ સહિત અનેક હસ્તીઓએ હાજરી આપી હતી.

ચાલો જોઇએ વાસુ ભાગનાની નિર્મિત ફિલ્મોના નામ અને પાર્ટીમાં હાજર સેલિબ્રિટીઓની તસવીરો :

અભિષેક બચ્ચન, જૅકી ભાગનાની અને હૃતિક રોશન

વાસુ ભાગનાનીએ પ્રથમ ફિલ્મ 1995માં કૂલી નંબર 1નું નિર્માણ કર્યુ હતું. તેમાં ગોવિંદા અને કરિશ્મા કપૂર હતાં.

અમ્બિકા સુરી અને સંજય સુરી

વાસુ ભાગનાનીએ 1997માં હીરો નંબર 1 બનાવી હતી. આ ફિલ્મમાં પણ ગોવિંદા-કરિશ્માની જોડી હતી.

અમિતાભ બચ્ચન, જયા બચ્ચન અને અભિષેક બચ્ચન

વાસુએ 1998માં બડે મિયાં છોટે મિયાં અને પ્યાર કિયા તો ડરના ક્યા બનાવી હતી. બડે મિયાં છોટે મિયાંમાં ગોવિંદા-અમિતાભ તથા પ્યાર કિયા તો ડરના ક્યામાં સલમાન ખાન અને કાજોલ હતાં.