એમ એફ હુસૈન પર ફિલ્મ બનાવશે બરખા રૉય

Updated: Monday, October 6, 2014, 15:40 [IST]

મુંબઈ, 31 જુલાઈ : બૉલીવુડના જાણીતા અભિનેત્રી રીના રૉયના બહેન અને ફિલ્મ નિર્માતા બરખા રૉય બાર વરસ બાદ ફિલ્મ નિર્માણ ક્ષેત્રે કમબૅક કરી રહ્યાં છે. તેઓ ચિત્રકાર એમ એફ હુસૈન ઉપર ફિલ્મ બનાવવા જઈ રહ્યાં છે.

બરખા રૉયે 1982માં આવેલી હિટ ફિલ્મ સનમ તેરી કસમનું નિર્માણ કર્યુ હતું કે જેમાં કમલ હસન અને રીના રૉય લીડ રોલમાં હતાં. બરખાએ જણાવ્યું - હું લગભગ દસ વર્ષ અગાઉ હુસૈનને મળી હતી અને તેમની સાથે કામ કરવાની ઇચ્છા વ્યક્ત કરી હતી, પરંતુ દુર્ભાગ્યે તે વખતે તે શક્ય ન બન્યું, હણ હવે હું હુસૈન ઉપર ફિલ્મ બનાવવાનો વાયદો પૂરો કરવા માંગુ છું.

બરખા રૉયે જણાવ્યું કે એમ એફ હુસૈન પર આધારિત ફિલ્મનું નામ માય ફ્રેન્ડ હુસૈન છે કે જે એક કલાક દસ મિનિટની એક વ્યાવસાયિક ફિલ્મ હશે. આ ફિલ્મ હુસૈનની જીવન-ઝરમર હશે. આ ફિલ્મમાં એમ એફ હુસૈન અંગે ચિત્રકારી જગતના મોટા કલાકારો એસ એચ રઝા, કૃષ્ણ ખન્ના તથા રામ કુમાર વાત કરશે. ફિલ્મ સપ્ટેમ્બરમાં રિલીઝ થશે. મારા તરફથી મહાન ચિત્રકારને આ ફિલ્મ શ્રદ્ધાંજલિ હશે.