Pics : સોનમ પહેલાં રિયાને સાસરે વળાવશે અનિલ!

Published: Monday, July 29, 2013, 14:20 [IST]

મુંબઈ, 29 જુલાઈ : સામાન્ય રીતે એવું થતું નથી, છતાં પણ ક્યારેક-ક્યારેક એવી પરિસ્થિતિઓ ઊભી થી જાય છે કે નાની બહેનના લગ્ન મોટી બહેન કરતાં પહેલા કરવાં પડે છે. જાણવા મળે છે કે અનિલ કપૂરના નાના દીકરી રિયા કપૂર આવતા માસે કરણ બુલાણી સાથે લગ્ન કરવાં જઈ રહ્યાં છે. રિયા સોનમ કપૂર કરતાં બે વરસ નાના છે, પણ છતાં તેમની પહેલા લગ્ન કરી સૅટલ થવાની તૈયારી કરી રહ્યાં છે.

રિયા અને કરણ લાંબા સમયથી ડેટિંગ કરી રહ્યાં છે અને બંનેના પરિવારો પણ આ લગ્ન માટે તૈયાર છે. રિયાએ લગ્નનો નિર્ણય કરી લીધો છો, પણ સોનમ કપૂર હજી લગ્ન અંગે નથી વિચારી શકતાં, કારણ કે લાંબા સંઘર્ષ બાદ સોનમનું બૉલીવુડ કૅરિયર પાટે આવ્યું છે. તાજેતરમાં જ તેમની રાંઝણા ફિલ્મ હિટ થઈ છે. તેવામાં તેઓ લગ્ન અંગે હાલ તો દૂર-દૂર સુધી વિચારી નથી શકતાં, પણ રિયા કપૂર અભિનેત્રી નથી. તેઓનું કામ દિગ્દર્શન સાથે જોડાયેલું છે કે જે લગ્ન બાદ પણ શક્ય છે. તેથી લગ્નનો તેમનો નિર્ણય યોગ્ય જ લાગે છે.

જોકે હાલ રિયા-કરણના લગ્નની ઔપચારિક જાહેરાત બંને પરિવારો નથી કરવાનાં. રિયાએ દિગ્દર્શક તરીકે પ્રથમ ફિલ્મ આયશા બનાવી હતી કે જે 2010માં આવી હતી. આ ફિલ્મમાં કરણ સહાયક દિગ્દર્શક હતાં અને રિયાના મોટા બહેન સોનમ કપૂર અભિનેત્રી હતાં, પરંતુ આ ફિલ્મ સુપર ફ્લૉપ રહી હતી. બીજી બાજુ કરણ બુલાણી સાત હિન્દુસ્તાની દ્વારા દિગ્દર્શક તરીકે બૉલીવુડ કૅરિયર શરૂ કરવાનાં છે.

આવો તસવીરો સાથે જાણીએ રિયા કપૂર અંગે વધુ વિગતો :