ઘનચક્કર બાદ ભટ્ટ કૅમ્પમાં થશે વિદ્યાની એન્ટ્રી

મુંબઈ, 26 જૂન : આજકાલ વિદ્યા બાલન ખૂબ જ ચર્ચામાં છે. કારણ છે તેમની આવનાર ફિલ્મ ઘનચક્કર કે જે આ શુક્રવારે રિલીઝ થઈ રહી છે. ફિલ્મ એક કૉમેડી ફ્લેવરમાં લોકો સામે પિરસાઈ રહી છે. આ ફિલ્મ બાદ વિદ્યા બાલન ભટ્ટ કૅમ્પની ફિલ્મમાં એન્ટ્રી કરવા જઈ રહ્યાં છે કે જેના માટે તેઓ એકદમ ફિટ અને રેડી છે. ફિલ્મ અંગે વધુ ખુલાસો ન કરતાં બસ એટલું જ કહેવાયું છે કે ફિલ્મનું દિગ્દર્શન આશિકી 2 ફૅમ મોહિત સુરી કરશે.

ફિલ્મની વાર્તા ખૂબ જ બોલ્ડ હશે કે જેના માટે વિદ્યાને પરફેક્ટ ગણાવાયાં છે. એમ પણ વિદ્યા બોલ્ડ રોલ્સ સારી રીતે કરે છે, પરંતુ ભટ્ટની ફિલ્મમાં વિદ્યાના કો-સ્ટાર કોણ હશે? તેનો ખુલાસો થયો નથી. મોટાભાગે શક્યતા ઇમરાન હાશમી ઉપર ઠેરે છે, કારણ કે વિદ્યા-ઇમરાનની જોડી હિટ રહી છે.

જો સાચે એવું થાય, તો વિદ્યા-ઇમરાનની આ ત્રીજી ફિલ્મ હશે કે જેને ક્રિકેટની ભાષામાં હૅટ્રિક કહે છે. ધ ડર્ટી પિક્ચર ફિલ્મ બાદ વિદ્યા બાલન અને ઇમરાન હાશમી હવે ઘનચક્કર ફિલ્મમાં સાથે આવી રહ્યાં છે. બંને તેના પ્રમોશનમાં વ્ય્ત છે. સિદ્ધાર્થ રૉય કપૂર સાથે લગ્ન બાદ વિદ્યાની આ પ્રથમ બૉલીવુડ ફિલ્મ છે કે જેના નિર્માતા પોતે સિદ્ધાર્થ જ છે.

English summary

The Ghanchakkar babe Vidya Balan will play the lead in Vishesh Films’ next to be helmed by the Aashiqui 2 director Mohit Suri.