અભિનેતા શાહબાઝ ખાન પર છેડતીનો આરોપ, મુંબઈ પોલિસે નોંધી એફઆઈઆર

અભિનેતા શાહબાઝ ખાન સામે છેડતીનો કેસ નોંધવામાં આવ્યો છે. શાહબાઝ પર 19 વર્ષની યુવતી સાથે દુર્વ્યવહાર કરવાનો આરોપ છે.

Published: Wednesday, February 12, 2020, 13:08 [IST]

અભિનેતા શાહબાઝ ખાન સામે છેડતીનો કેસ નોંધવામાં આવ્યો છે. શાહબાઝ પર 19 વર્ષની યુવતી સાથે દુર્વ્યવહાર કરવાનો આરોપ છે. પીડિત છોકરીની ફરિયાદ પર મુંબઈના ઓશિવરા પોલિસ સ્ટેશનમાં છેડતીને કેસ નોંધવામાં આવ્યો છે. ખાન સામે આઈપીસીની કલમ 354 અને 509 હેઠળ એફઆઈઆર થઈ છે.

એફઆઈઆર બાદ પોલિસે કેસની તપાસ શરૂ કરી દીધી છે. પોલિસ બુધવારે અભિનેતાની પૂછપરછ કરી શકે છે. 53 વર્ષના શાહબાઝ ખાનની ધરપકડ વિશે હજુ પોલિસે કંઈ કહ્યુ નથી. શાહબાઝ ખાન લાંબા સમયથી ફિલ્મોમાં કામ કરી રહ્યા છે. ફિલ્મો સાથે સાથે તે ટીવીનો પણ જાણીતો ચહેરો છે.

ફિલ્મોની વાત કરીએ તો તેમણે એજન્ટ વિનોદ,વીર, હીરો, રાજૂ ચાચા, જિદ્દી, મેજર સાબ, ઈન્ટરનેશનલ ખિલાડીમાં કામ કર્યુ છે. શાહબાઝ ટીવી સીરિયલ ચંદ્રકાંતા, યુગ, બૈતાલ પચીસી, ધ ગ્રેટ મરાઠા, ફિર લૌટ આઈ નાગિન, અફસર બિટિયા, કર્મફલ દાતા શનિમાં કામ કરી ચૂક્યા છે.

Published On February 12, 2020