પહેલા જ દિવસે ધૂમ 3 આગળ ઘુંટણીએ થઈ ચેન્નઈ એક્સપ્રેસ!

મુંબઈ, 20 ડિસેમ્બર : વર્ષની મોસ્ટ અવેટેડ ફિલ્મ ધૂમ 3એ પહેલા જ દિવસે ઘરેલુ સિનેમા ઘરોમાં ઐતિહાસિક ઓપનિંગ કરી છે. બિઝનેસ પન્ડિતોના જણાવ્યા મુજબ ફિલ્મે પહેલા જ દિવસે 35 કરોડ કરતા વધુનો બિઝનેસ કરી લીધો છે. શુક્રવારે 4500 સ્ક્રીન્સ ઉપર રિલીઝ થયેલી ધૂમ 3 ફિલ્મ હિન્દી ઉપરાંત તેલુગુ અને તામિળમાં પણ બની છે અને તેણે જોરદાર ઓપનિંગ કર્યું છે.

ફરી એક વાર આમિર ખાન મેનિયા લોકોના માથે ચડી પોકાર્યો અને ફિલ્મની એડવાન્સ બુકિંગે જ ફિલ્મને પ્રથમ દિવસે જોરદાન ઓપનિંગ આપ્યું છે કે જે પોતાની જાતમાં ખૂબ જ ઉત્તમ બાબત છે. આશ્ચર્યની વાત એ છે કે ધૂમ 3 ફિલ્મે પોતાના પ્રથમ કલેક્શનમાં જ શાહરુખ ખાનની ચેન્નઈ એક્સપ્રેસ ફિલ્મના કલેક્શનને બીટ કર્યું છે. શાહરુખની ચેન્નઈ એક્સપ્રેસે પહેલા દિવસે 33.12 કરોડ રુપિયાની કમાણી કરીત હતી, પરંતુ પહેલા જ દિવસે ધૂમ 3 આગળ ચેન્નઈ એક્સપ્રેસ ઘુંટણીએ થઈ ગઈ.

ધૂમ 3 ફિલ્મનું ફીડબૅક પણ ખૂબ સારૂ છે, પરંતુ અત્યારથી ફિલ્મ વિશે કંઇક કહેવું વધુ પડતું ગણાશે, પરંતુ જે રીતે તેની ઓપનિંગ થઈ છે, તે જોતા લાગે છે કે ધૂમ 3 વર્ષ 2013ના તમામ રેકૉર્ડ ભાંગી પાડશે. ગઈકાલે રિલીઝ થયેલી ધૂમ 3 ફિલ્મમાં આમિર ખાન ઉપરાંત કૅટરીના કૈફ, અભિષેક બચ્ચન અને ઉદય ચોપરા પણ છે. આદિત્ય ચોપરા નિર્મિત ફિલ્મ ધૂમ 3ના દિગ્દર્શક વિષ્ણુ આચાર્ય છે.

English summary

Aamir Khan's Dhoom 3 Gets Overwhelming Response At Box Office.Trade experts predict that it is really historic opening for Dhoom 3, which will definitely set new record in the Indian cinema.