UP Board Exam: 12માંની અંગ્રેજીની પરિક્ષાનું પેપર થયુ લીક, 24 જિલ્લાઓમાં પરિક્ષા રદ્દ
ઉત્તર પ્રદેશ બોર્ડની આજે (30 માર્ચ) યોજાનારી 12મા ધોરણની અંગ્રેજી પરીક્ષા રદ કરવામાં આવી છે. બલિયામાં અંગ્રેજીનું આ પેપર લીક થયા બાદ પરીક્ષા રદ કરવામાં આવી છે. આ પેપર આજે બપોરે 2 વાગ્યાથી લેવાનું હતું, પરંતુ તે પહેલા આ પ
ઉત્તર પ્રદેશ બોર્ડની આજે (30 માર્ચ) યોજાનારી 12મા ધોરણની અંગ્રેજી પરીક્ષા રદ કરવામાં આવી છે. બલિયામાં અંગ્રેજીનું આ પેપર લીક થયા બાદ પરીક્ષા રદ કરવામાં આવી છે. આ પેપર આજે બપોરે 2 વાગ્યાથી લેવાનું હતું, પરંતુ તે પહેલા આ પેપર લીક થઈ ગયું હતું અને વિદ્યાર્થીઓ સુધી પણ પહોંચી ગયું હતું. જે બાદ ઉતાવળમાં પરીક્ષા રદ કરવામાં આવી હતી. પેપર લીક થતા 24 જિલ્લામાં અંગ્રેજીની પરીક્ષા રદ કરવામાં આવી છે. આ મામલે કાર્યવાહી કરતા યુપી સરકારે બલિયાના ડીઆઈઓએસને સસ્પેન્ડ કરી દીધા છે. STF પેપર લીક કેસની તપાસ કરશે. આ સાથે NSA હેઠળ દોષિતો સામે કાર્યવાહી કરવાનું પણ કહેવામાં આવ્યું છે.
આગ્રા, મૈનપુરી, મથુરા, અલીગઢ, ગાઝિયાબાદ, બાગપત, બદાઉન, શાહજહાંપુર, ઉન્નાવ, સીતાપુર, લલિતપુર, મહોબા, જાલૌન, ચિત્રકૂટ, આંબેડકર નગર, પ્રતાપગઢ, ગોંડા, ગોરખપુર, આઝમગઢ, બલિયા, વારાણસી, કાનપુર અને શામળ જિલ્લા પરીક્ષા રદ કરવામાં આવી છે. બાકીના જિલ્લાઓમાં પરીક્ષા સમયપત્રક મુજબ યોજાશે.
આ 24 જિલ્લામાં જ્યાં પરીક્ષા રદ કરવામાં આવી છે, ત્યાં અંગ્રેજીનું પેપર રિપીટ થશે. બોર્ડ દ્વારા હજુ સુધી તારીખ આપવામાં આવી નથી. સૂત્રોનું માનીએ તો પરીક્ષા પૂરી થયાના એક-બે દિવસ પછી બોર્ડ દ્વારા અંગ્રેજીના પેપર માટે તારીખ આપવામાં આવી શકે છે.
જણાવવામાં આવ્યું છે કે કેટલીક જગ્યાએ 12માનું અંગ્રેજીનું પેપર ખુલ્લેઆમ વેચાઈ રહ્યું હતું. પરીક્ષા પહેલા બોર્ડ પ્રશાસનને પ્રશ્નપત્રની ફોટોકોપી અને તેના જવાબના વેચાણની જાણ થતાં જ પરીક્ષા રદ કરવાનો નિર્ણય લેવામાં આવ્યો હતો.
Click it and Unblock the Notifications
Sign in with Google
