GATE 2022: આજથી શરૂ થઇ રજિસ્ટ્રેશનની પ્રક્રીયા, એલિજિબીલીટી ક્રાઇટેરીયામાં પણ બદલાવ

IIT ખડગપુર આજથી 30 ઓગસ્ટથી એન્જિનિયરિંગ ગ્રેજ્યુએટ એપ્ટિટ્યુડ ટેસ્ટ (GATE) 2022 માટે અરજી પ્રક્રિયા શરૂ કરી રહ્યું છે. રસ ધરાવતા ઉમેદવારો સત્તાવાર વેબસાઇટ gate.iitkgp.ac.in પર જઈને ઓનલાઇન અરજી કરી શકે છે. અરજી ફોર્મ જમા કરવાની છેલ્લી તારીખ 24 સપ્ટેમ્બર છે. જોકે, લેટ ફી સાથે અરજી સબમિટ કરવાની છેલ્લી તારીખ 01 ઓક્ટોબર છે. GATE 2022 ની પરીક્ષામાં આવવા માટે કોઈ વય મર્યાદા નથી

પરીક્ષા 5, 6, 12 અને 13, ફેબ્રુઆરી 2022 ના રોજ બે સત્રોમાં લેવામાં આવશે. તે સંપૂર્ણપણે કોમ્પ્યુટર આધારિત ટેસ્ટ (CBT) હશે. પ્રથમ સત્ર સવારે 9 થી બપોરે 12 વાગ્યા સુધી અને બીજું સત્ર બપોરે 2:30 થી સાંજના 5:30 દરમિયાન યોજાશે. GATE 2022 પરીક્ષાઓના તમામ પરીક્ષાના પેપરો સંપૂર્ણપણે ઓબ્જેક્ટિવ પ્રકારના હશે. પ્રશ્નોની પેટર્નમાં કેટલાક મલ્ટીપલ ચોઇસ પ્રશ્નો (MCQ) હશે જ્યારે બાકીના પ્રશ્નોમાં MSQ અને/અથવા સંખ્યાત્મક પ્રશ્નો શામેલ હોઈ શકે છે.

આ વર્ષે, GATE 2022 માટે દેખાવા માટે પાત્રતાના માપદંડ બદલવામાં આવ્યા છે. BDS અને MPharma ડિગ્રી ધરાવતા ઉમેદવારો પણ પરીક્ષા આપી શકે છે. કોઈપણ ઉમેદવાર જે હાલમાં કોઈપણ સ્નાતક અભ્યાસક્રમના ત્રીજા કે અંતિમ વર્ષમાં અભ્યાસ કરી રહ્યો છે અથવા એન્જિનિયરિંગ/ ટેકનોલોજી/ આર્કિટેક્ચર/ વિજ્ઞાન/ વાણિજ્ય/ આર્ટ્સમાં સરકાર માન્ય ડિગ્રી પ્રોગ્રામ પૂર્ણ કરી ચૂક્યો છે, તે GATE 2022 ની પરીક્ષામાં બેસવા લાયક બનશે.

English summary

GATE 2022: Registration process starting today