શું છે એક્સરસાઇઝ સ્નેકિંગ? જાણો કેમ પોપ્યુલર થઈ રહ્યો છે એક્સરસાઇઝનો આ નવો ટ્રેન્ડ?

By Desk

Published: Thursday, November 23, 2023, 19:03 [IST]

તમે ઘણા એવા લોકોને જોયા હશે જે કામની વ્યસ્તતાને કારણે તેમના રૂટિનમાં એટલા વ્યસ્ત રહે છે કે ફિટનેસ પર ધ્યાન આપી શકતા નથી. હવે આવા લોકો માટે એક નવો ફિટનેસ ટ્રેન્ડ શરૂ થયો છે.

આજકાલ પરફેક્ટ એક્સરસાઇઝનો નવો વિકલ્પ ટ્રેન્ડમાં છે. આ એ લોકો માટે સારો છે જે સમયના અભાવે પોતાની ફિટનેસ પર ધ્યાન આપી શકતા નથી. આ ટ્રેન્ડ એક્સરસાઇઝ સ્નેકિંગના નામે ફેમસ થઈ રહ્યો છે.

એક્સરસાઇઝ સ્નેકિંગ શું છે?
જો તમે એક્સરસાઇઝ કરવા માટે દિવસમાં એક નિશ્ચિત સમય નક્કી કરી શકતા નથી તો આ તમારા માટે છે. આ એવું જ છે કે જે લોકો દિવસ દરમિયાન એક સમયે ઘણું ખાઈ શકતા નથી તે થોડું-થોડું ખાતા રહે છે.

એક્સરસાઇઝ સ્નેકિંગને તમે એક પ્રકારનું મિની વર્કઆઉટ કહી શકો છો. જે થોડી મિનિટો માટે દિવસમાં ઘણી વખત કરી શકાય છે. 5-10 મિનિટ માટે એક્સરસાઇઝ સ્નેકિંગ ખૂબ ફાયદાકારક થકે શકે છે.

એક્સરસાઇઝ સ્નેકિંગ કેવી રીતે અને ક્યાં કરી શકાય?
આજકાલ લાઈફ સ્ટાઈલ એટલી વ્યસ્ત થઈ ગઈ છે કે વર્કઆઉટ તમામ લોકો માટે શક્ય નથી. આ સ્થિતિમાં તમે દિવસમાં ઘણી વખત નાના વર્કઆઉટ કરીને પોતાને ફિટ રાખી શકો છો. આ માટે કોઈ ચોક્કસ સમયની જરૂર નથી.

આ રીત એટલી સરળ છે કે તમે તેને ઘરે, ઓફિસ કે ગમે ત્યાં નાની જગ્યામાં પણ કરી શકો છો. આમાં તમારે પરસેવો પાડવાની જરૂર નથી અને ન તો વધારે મહેનત કરવી પડે છે.

એક્સરસાઇઝ સ્નેકિંગના ફાયદા
રિસર્ચ અનુસાર, એક્સરસાઇઝ સ્નેકિંગ એ વર્કઆઉટ માટે એટલો સારો વિકલ્પ છે કે તે હૃદય અને પેટને સ્વસ્થ રાખવામાં મદદ કરે છે. આનાથી ડાયાબિટીસ અને હૃદયની બીમારીઓનું જોખમ ઘટાડી શકાય છે.

નિષ્ણાતો અનુસાર, કેટલીકવાર 30 મિનિટના વર્કઆઉટ કરતાં 10 મિનિટનું એક્સરસાઇઝ સ્નેકિંગ સારૂ હોઈ શકે છે. જો કે, ધ્યાનમાં રાખો કે આ કરતા પહેલા ચોક્કસપણે નિષ્ણાતની સલાહ લો.

એક્સરસાઇઝ સ્નેકિંગમાં શું શું કરી શકાય?
1. સીડી ચડવી
ટૂંકા અંતરાલમાં ઝડપથી ચાલવું
કામ વચ્ચે 5-5 મિનિટ ચાલો

Published On November 23, 2023