કોંકણા સેનની જેમ તમને પણ સ્મોકિંગની લત હોય તો, બીડી-સિગારેટ છોડવા માટે અપનાવો આ ઘરેલુ ઉપાય

By Desk

Published: Tuesday, January 9, 2024, 13:50 [IST]

Tips To Quit Smoking: કોંકણા સેન શર્મા બૉલિવુડની શ્રેષ્ઠ અભિનેત્રીઓમાંની એક છે. કોંકણા ટૂંક સમયમાં નેટફ્લિક્સની સીરિઝ 'કિલર સૂપ'માં જોવા મળશે. તાજેતરમાં, ટીઓઆઈ સાથેના એક ઇન્ટરવ્યુમાં, કોંકણાએ તેની ધૂમ્રપાનની આદત વિશે વાત કરતા કહ્યું કે તે વધુ ધૂમ્રપાન કરતી નથી પરંતુ તે થોડી-ઘણી પણ ધૂમ્રપાનની આદતને સંપૂર્ણપણે દૂર કરવા માંગે છે.

જે લોકો ધૂમ્રપાન કરે છે તેઓને વારંવાર એવી સમસ્યા થાય છે કે તેમને વારંવાર ધૂમ્રપાન કરવાનું મન થાય છે. આવી સ્થિતિમાં તેઓ ઈચ્છવા છતાં પણ ધૂમ્રપાનની આદત છોડી શકતા નથી. જો તમારે સિગારેટનું વ્યસન છોડવું હોય તો સૌથી પહેલા તમારી ઈચ્છાશક્તિને મજબૂત કરો.

જો તમે ઇચ્છો તો સિગારેટની લતમાંથી છુટકારો મેળવવા માટે કેટલાક ઘરેલું ઉપાયોની મદદ લઇ શકો છો. તો આવો જાણીએ ધૂમ્રપાનની લતમાંથી છુટકારો મેળવવા માટેના કેટલાક ઘરેલું ઉપાયો.

તજ: ધૂમ્રપાનની આદતથી છૂટકારો મેળવવા માટે તમે તજનો ઉપયોગ કરી શકો છો. તજમાં વિટામિન, પ્રોટીન, સોડિયમ, થાઈમીન, ફૉસ્ફરસ અને કેલ્શિયમ વગેરે પોષક તત્વો મળી આવે છે. તેનો તીખો અને કડવો સ્વાદ સિગારેટની તૃષ્ણાને ઘટાડે છે. તજ મગજની ગતિવિધિઓને વધારે છે અને તણાવ ઘટાડે છે. જ્યારે પણ તમને સિગારેટ પીવાનું મન થાય ત્યારે તજનો નાનો ટુકડો મોંમાં રાખો અને તેને ચૂસતા રહો.

મધઃ મધનું સેવન ધૂમ્રપાનની લત છોડવામાં મદદ કરે છે. મધમાં વિટામિન, પ્રોટીન અને મિનરલ્સ હોય છે, જે સિગારેટની તૃષ્ણાને ઘટાડવામાં મદદરૂપ થઈ શકે છે. જો તમે ધૂમ્રપાનની આદતથી છૂટકારો મેળવવા માંગતા હોવ તો એક ગ્લાસ નવશેકા પાણીમાં એક ચમચી મધ નાખીને દરરોજ પીવો. આનાથી શરીરને ઘણા ફાયદા થાય છે.

મૂલેઠીનુ દાતણઃ જો તમને રસ્તા પરથી પસાર થતી વખતે ધૂમ્રપાન કરવાનું મન થાય, તો તમારી સાથે મૂલેટીનુ દાતણ રાખો અને જ્યારે તમને એવું લાગે ત્યારે તેને ચાવવાનું શરૂ કરો. આમ કરવાથી તમારી ધૂમ્રપાન કરવાની ઈચ્છા ઓછી થઈ જશે.

ગ્રીન ટી: આ ઉપરાંત, એંટી ઈન્ફ્લામેટરી ગુણોથી ભરપૂર ગ્રીન ટી પીવી પણ ફેફસામાંથી નિકોટિનને દૂર કરવામાં ફાયદાકારક સાબિત થઈ શકે છે.

કંઈક ચાવતા રહેવુ: ધૂમ્રપાનમાંથી ધ્યાન હટાવવા માટે બીજું કંઈક ચાવતા રહેવાથી ફાયદો થઈ શકે છે. ખાંડ વગરની ચ્યુઇંગ ગમ ચાવો અથવા થોડી ટૉફી, બિસ્કીટ, ફળો અથવા નાસ્તો નજીકમાં રાખો. આનો અર્થ એ થશે કે જો તમને સિગારેટ પીવાનું મન થાય, તો તમે કંઈક બીજું ખાઈ કે પીને તમારી તૃષ્ણાને સંતોષવાનો પ્રયાસ કરી શકો છો.

Published On January 9, 2024