હવે તમારી મરજી મુજબ બનાવો સ્માર્ટફોન

Published: Wednesday, October 30, 2013, 16:09 [IST]

ગુગલની કંપની મોટોરોલાએ એક એવી પરિયોજના શરૂ કરવાની ઘોષણા કરી છે, જે ઉપભોક્તાઓને પોતાની પસંદ પ્રમાણે સ્માર્ટફોન બનાવવાની આઝાદી આપશે. આ પરિયોજનાનું નામ હશે ‘એરા'. જે હેઠળ ઉપભોક્તાને એક ફોન ખરીદવો પડશે, ત્યારબાદ તે પોતાની પસંદગી અને જરૂરિયાત પ્રમાણે બેટરી, સ્ક્રીન, કીબોર્ડ અથવા અન્ય સેંસર જોડી શકશે.

મોટોરોલા આ પરિયોજના માટે ડચ ડિઝાઇનર ડેવ હેકેંસ સાથે કામ કરી રહી છે. હેકેંસે ફોનબ્લોક્સની રચના કીર છે, જે મોડ્યુલર ફોનની પહેલી પરિકલ્પના હતી. પોતાના બ્લોગમાં મોટોરોલાએ કહ્યું કે, કંપની આ પરિયોજના પર છેલ્લા એક વર્ષથી કામ કરી રહી છે. કંપનીએ કહ્યું છે કે, અમે મોબાઇલના હાર્ડવેર સાથે એજ કરવા માંગીએ છીએ જે એન્ડ્રોઇટે ફોનના સોફ્ટવેર બનાવનારા સાથે કર્યું.

પોતાનો ફોન જાતે બનાવવાની આઝાદી

કંપનીએ એ પણ દાવો કર્યો છે કે, તે પોતાના ઉપભોક્તાઓને એ વાતની આઝાદી આપવા માગે છે કે, તેઓ નક્કી કરે કે તેમનો ફોન કઇ વસ્તુનો બનેલો હોય, કેવો દેખાતો હોય, કેવી રીતે કામ કરતો હોય અને તે તેનો કેટલા લાંબા સમય સુધી ઉપયોગ કરે.