આનંદો! હવે આપ વોટ્સએપને આપના પીસીમાં પણ યૂઝ કરી શકશો

Updated: Friday, January 23, 2015, 20:03 [IST]

હાલમાં સોશિયલ મીડિયાએ ધૂમ મચાવી છે, એમાય વોટ્સએપે તો સૌને પોતાના દિવાના બનાવી દીધા છે. જો આપ પણ વોટ્સએપના ચાહક હોવ તો આપના માટે એક ખુશીના સમાચાર છે. હા મોબાઇલ ચેટિંગ વોટ્સએપ હવે વેબસાઇટ સર્વર પર પણ ઉપલબ્ધ છે. હા વોટ્સએપે પોતાની બ્લોગપોસ્ટમાં લખ્યું છે, 'પહેલી વાર આપ લોકો વોટ્સએપને પોતાના વેબ બ્રાઉઝર પર પણ યુઝ કરી શકશો.'

બ્લોગપોસ્ટમાં જણાવવામાં આવ્યું છે કે વેબ ક્લાયન્ટ મોબાઈલ ડીવાઈસ પર આવનારા મેસેજ કન્વર્ઝેશનને આપના વેબપેજ પર શૉ કરશે. જેને આપ એવી રીતે જ ઉપયોગ કરી શકશો જેવી રીતે આપ આપના સ્માર્ટફોનમાં કરો છો.

બ્રાઉઝરમાં વોટ્સએપ કેવી રીતે ચલાવશો

વોટ્સએપને વેબપેજમાં ચાલુ કરવા માટે https://web.whatsapp.com આપના ગૂગલ ક્રોમ બ્રાઉઝરમાં ટાઇપ કરીને એન્ટર કરો. વોટ્સએપના લેટેસ્ટ વર્ઝનને પોતાના ફોન પર અપડેટ કરો અને ત્યારબાદ મેનુમાં વોટ્સએપ વેબ પસંદ કરો.

આપને સ્ક્રીન પર કયુંઆર કોડ બતાવશે. આ કોડને સ્કેન કરો અને વેબ પર વોટ્સએપ ચલાવો. તમારા ફોનના વોટ્સએપ અને વોટ્સએપ વેબ ક્લાયન્ટની પેરીંગ થઇ જશે પછી આપ વેબ પર પણ વોટ્સએપનો આનંદ માણી શકશો.

વેબ ક્લાયન્ટને ચલાવવા માટે ફોન પર ઈન્ટરનેટ કનેક્ટેડ થવું જરૂરી છે. આ સર્વિસ અત્યારે એન્ડ્રોઇડ, વિન્ડોઝ અને બ્લેકબેરી સ્માર્ટફોન યુઝર્સ માટે જ ઉપલબ્ધ છે.