Muharram 2021: જાણો આશૂરાનુ મહત્વ અને તેના વિશે બધુ

10માં મુહર્રમનુ સૌથી વધુ મહત્વ છે જેને 'આશૂરા' કહેવાય છે આ વખતે 'આશૂરા' 19 ઓગસ્ટે છે.

Updated: Thursday, August 19, 2021, 8:18 [IST]

નવી દિલ્લીઃ 9 ઓગસ્ટથી જ 1443 હિજરી વર્ષની શરૂઆત થઈ ચૂકી છે. મુહર્રમ હિજરી કેલેન્ડરનો પહેલો મહિનો છે. શિયા સમુદાય માટે આ માતમનો મહિનો હોય છે જેને તેઓ ઈમામ હુસેનની યાદમાં શોકમાં મનાવે છે. હિજરી મહિનાના 10માં દિવસને મુહર્રમનો સૌથી પવિત્ર દિવસ માનવામાં આવે છે કારણકે ઈસ્લામની રક્ષા માટે હજરત ઈમામ હુસેને આ દિવસે પોતાના પ્રાણ ત્યાગી દીધા હતા. આના કારણે 10માં મુહર્રમનુ સૌથી વધુ મહત્વ છે જેને 'આશૂરા' કહેવાય છે આ વખતે 'આશૂરા' 19 ઓગસ્ટે છે.

મુહર્રમમાં મરસિયા ગાવામાં આવે છે

ઈમામ હુસેનની યાદમાં શિયા મુસલમાન આ દિવસે પહેલા તાજિયાનુ જૂલુસ કાઢે છે અને પછી તેને કરબલામાં દફન કરે છે. મુહર્રમમાં મરસિયા ગાવામાં આવે છે. આ દરમિયાન મહિલાઓ છાતી પીટીને વિલાપ કરે છે અને પુરુષો ખુદને તલવારથી પીટે છે. આ દરમિયાન ઘરોમાં ખીચડો કે હલીમ બનાવવામાં આવે છે જે ઘણા પ્રકારના અનાજ અને માંસના મિશ્રણથી બનાવવામાં આવે છે. એવુ માનવામાં આવે છે કે કર્બલાના શહીદોએ પોતાના છેલ્લા ભોજન તરીકે હલીમ જ ખાધુ હતુ.

મુહર્રમનો ઈતિહાસ

તમને જણાવી દઈએ કે મુસ્લિમ દેશના લોકો હિજરી કેલેન્ડરને જ માને છે. મુહર્રમને ચાર પવિત્ર મહિનાઓમાંનો એક માનવામાં આવે છે. મુહર્રમનો અર્થ થાય છે હરામ એટલે કે નિષિદ્ધ. આ સમગ્ર મહિનાને અલ્લાહનો મહિનો કહેવામાં આવે છે. માનવામાં આવે છે કે આ મહિનામાં કર્બલા નામક સંસ્થામાં એક ધર્મ યુદ્ધ થયુ હતુ જે પેગમ્બર હજરત મુહમ્મદ સાહેબના દોહિત્ર અને યજીદના વચ્ચે થયુ હતુ. આ ધર્મ યુદ્ધમાં જીત હજરત સાહેબની થઈ હતી પરંતુ યજીદના કમાંડરે છેતરપિંડીથી ઈમામ હુસેન અને તેમના બધા 72 સાથીઓને શહીદ કરી દીધા હતા. જેમાં તેમના છ મહિનાના પુત્ર હજરત અલી અસગર પણ શામેલ હતા. ત્યારથી આ મહિનો ગમ, માતમ અને શહીદીનો મહિનો કહેવાય છે.