ચીનને પડકારતું ભારતનું હરક્યુલસ શા માટે છે ખાસ, જાણો

By Super

Updated: Tuesday, February 3, 2015, 11:23 [IST]

હાલ ભારતીય સરહદ પર સામાન્ય વાતાવરણ નથી, એક તરફ પાકિસ્તાન તરફથી સમયાંતરે સીઝફાયર ઉલ્લંઘન કરવામાં આવી રહ્યું છે તો બીજી તરફ ચીન દ્વારા ઘુષણખોરી કરવામાં આવી રહી છે. જેના કારણે ભારતે પોતાની શક્તિનો પરચો સરહદ પર દર્શાવવું જરૂરી બન્યું છે, જેના ભાગરૂપે ભારતે લેહમાં એક હરક્યુલસ એરક્રાફ્ટ ઉતાર્યું છે, જેને ભારત તરફથી આપવામાં આવેલા જવાબના સ્વરૂપમાં જોવામાં આવી રહ્યું છે. હરક્યુલસને મેદાનમાં ઉતારીને ભારતે એ સંદેશો વહતો કરી દીધો છે કે, તે કોઇપણ પ્રકારના જોખમ સામે લડવા માટે તૈયાર છે. કોઇપણ સ્થિતિમાં તે દુશ્મનને પરાસ્ત કરવાનું સામર્થ્ય ધરાવે છે.

ભારતે વિશ્વના સૌથી ઉંચા રનવે પર આ વિમાનને ઉતારીને એક રેકોર્ડ પણ બનાવ્યો છે. દૌલત બેગ ઓલ્ડી એરબેસ 1962માં ભારત-ચીન યુદ્ધ દરમિયાન બનાવવામાં આવ્યું હતુ. છેલ્લા કેટલાક વર્ષોથી આ બેઝને એટલું મહત્વ આપવામાં આવી રહ્યું નથી. પરંતુ, તાજેતરમાં ભારતીય સેના દ્વારા આ બેઝ પર પોતાની ગતિવિધિઓને વધારી દેવામાં આવી છે. સુપર હરક્યુલસને અહીં ઉતારવામાં આવ્યા બાદ અહીં આર્મીને પહોંચાડવામાં આવતી સામગ્રી સહેલાયથી પહોંચી શકશે. જેનાથી સેનાનું મનોબળ વધી જશે તેવી આશા પણ વિશેષજ્ઞો દ્વારા વ્યક્ત કરવામાં આવી છે. તો ચાલો તસવીરો થકી જાણીએ કે, શા માટે આ એરક્રાફ્ટ ખાસ છે અને અન્ય કયા-કયા દેશો દ્વારા આ એરક્રાફ્ટનો ઉપયોગ કરવામાં આવી રહ્યો છે.

શા માટે ખાસ છે આ વિમાન

હરક્યુલસ એરક્રાફ્ટે પોતાની પહેલી ઉડાન 5 એપ્રિલ 1996ના રોજ ભરી હતી. સુપર હરક્યુલસ સી 130 જે અનેક બાબતે ખાસ છે અને તેના જ કારણે વિશ્વના અનેક દેશો પાસે હરક્યુલસ એરક્રાફ્ટ છે. જ્યારથી આ એરક્રાફ્ટ રક્ષા ક્ષેત્રના બજારમાં આવ્યું, ત્યારથી તેની માંગ સતત વધી છે અને સતત તેની નિકાસ કરવામાં આવી રહી છે.