એક સ્પેસ સૂટની કિમત કેટલી હોય? આવી રીતે તમે પણ ખરીદી શકો છો

એસ્ટ્રોનોટ્સ અવકાશમાં જતા પહેલા એક ખાસ પ્રકારના શૂટનો ઉપયોગ કરે છે. આ સૂટ તેમને અવકાશમાં જીવીત રાખવામાં મહત્વની ભુમિકા ભજવે છે. જો કે તમને એ નહીં ખબર હોય કે આ સૂટ પાછળ કરોડો રૂપિયાનો ખર્ચ થાય છે.

અવકાશયાત્રીઓ અવકાશ એક ખાસ પ્રકારનો સૂટ પહેરે છે તેને સ્પેસ સૂટ અથવા અવકાશયાત્રી સૂટ કહેવામાં આવે છે. તેની કિંમત એટલી વધારે છે કે સામાન્ય માણસ તેને ખરીદવાનું વિચારી પણ શકે નહીં.

સ્પેસ સૂટ બનાવવા માટે હાઈ ટેકઅને અનેક પ્રકારના સાધનોનો ઉપયોગ કરવામાં આવે છે. તે એક પ્રકારના રક્ષણાત્મક કવચની જેમ તૈયાર કરાય છે. આ સ્પેસ સૂટ અવકાશયાત્રીઓને અવકાશમાં જીવલેણ રેડિયેશનથી બચાવે છે.

અવકાશમાં રેડિયેશન એટલું ખતરનાક છે કે જો કોઈ વ્યક્તિનું શરીર તેના સીધા સંપર્કમાં આવે તો તે ઘણી ખતરનાક બિમારીઓનો ભોગ બની શકે છે. આનાથી કેન્સર થવાનો ખતરો રહે છે. આ સૂટ બનાવવાની જવાબદારી વિશ્વની કેટલીક કંપનીઓને અપાયેલી છે. આ સિવાય કોઈ તેને તૈયાર કરી શકે નહીં.

અહેવાલો અનુસાર, સ્પેસ સૂટની કિંમત લગભગ 80 થી 85 કરોડ રૂપિયા હોય છે. તે ખૂબ ખર્ચાળ છે કારણ કે તે ઘણી સુવિધાઓ સાથે બનાવવામાં આવે છે. સ્પેસ સૂટની અંદર કોમ્પ્યુટર, એસી, ઓક્સિજન, પીવાનું પાણી અને ઇનબિલ્ટ ટોઇલેટ પણ હોય છે.

આ તમામ ફીચર્સ એક સૂટમાં ફીટ કરવા કરોડોનો ખર્ચ થાય છે. આ જ કારણ છે કે તેની કિંમત આટલી વધારે છે.

જણાવી દઈએ કે, સામાન્ય માણસ પણ તેને ખરીદી શકે છે. જો કે તેના માટે તેની પાસે અધધ 80 થી 85 કરોડ રૂપિયા હોય. આ કિંમત એટલી વધારે છે કે કોઈપણ તેને ખરીદવાનું વિચારી પણ શકે નહીં.

English summary

How much does a space suit cost? This way you can also buy