અહીં કબરો એકબીજા સાથે વાતો કરે છે, જાણો ક્યાં આવેલુ છે આ અજીબ કબ્રસ્તાન?

આ દુનિયામાં ઘણી એવી રહસ્યમયી જગ્યાઓ આવેલી છે. આ જગ્યાઓ તેની અબીજ ખાસિયતો માટે દુનિયાભરમાં જાણીતી છે. આવી જ એક જગ્યા જર્મનીમાં આવેલી છે.
જર્મનીમાં ફોહર-અમ્રુમ નામનો ટાપુ આવેલો છે. અહીં કબ્રસ્તાનમાં એક ખાસ પ્રકારની કબરો ચર્ચાનો વિષય બની છે.

અન્ય કબ્રસ્તાનમાં કબરના પત્થરો પર ફક્ત નામ, જન્મ તારીખ અને મૃત્યુ તારીખ લખેલી હોય છે પરંતુ જર્મનીના આ ટાપુ પરના કબ્રસ્તાનમાં કબરો પર પથ્થરો લગાવેલા હોય છે, તેના પર મૃતક સાથે જોડાયેલી કેટલીક વાર્તા, કિસ્સો અથવા ખાસ વાતો લખવામાં આવે છે, જે તે વ્યક્તિના જીવન વિશે માહિતી આપે છે.

આ કારણોસર આ કબરના પથ્થરોને ટોકિંગ ગ્રેવસ્ટોન્સ કહેવામાં આવે છે. પત્થરો પર વાર્તાઓ લખવાની પરંપરા 17મી સદીમાં શરૂ થઈ હતી. અહીં દફનાવવામાં આવેલા મોટાભાગના લોકો નાવિક હતા, જેમના જીવન સાથે જોડાયેલી ઘણી રોમાંચક વાર્તાઓ છે.

અહેવાલો અનુસાર, આ ઉત્તર સમુદ્રમાં જર્મનીના પશ્ચિમી કિનારે આવેલા બે ટાપુઓ છે, જ્યાં કબરના પથ્થરો સાથે વાત કરવાની પરંપરા અનુસરવામાં આવે છે. આ ટાપુ પર હાજર ઘણા કબ્રસ્તાનમાં આવુ જોવા મળે છે.

આ ટાપુ 17મી સદીમાં વ્હેલનું મુખ્ય કેન્દ્ર બની ગયું હતું. અહીં વ્હેલ પકડવામાં આવતી હતી. ત્યાંથી પસાર થતા ડચ અને અંગ્રેજી જહાજો આ ટાપુ પર રોકાતા અને સ્થાનિક લોકોને રોજગારી આપતા.

ઘણી વખત આ ગામના 12 વર્ષ સુધીના નાના બાળકોને વ્હેલ પકડવા માટે તેમની સાથે લઈ જવામાં આવતા હતા. જ્યારે આ લોકો આ ટાપુ પર પાછા ફર્યા ત્યારે તેમની પાસે સમુદ્ર સાથે જોડાયેલી આવી ઘણી વાર્તાઓ હતી, જે તેઓ દરેકને કહેતા હતા. પછી આ વાર્તાઓ તેમની કબરના પથ્થરો પર કોતરવામાં આવતી.

ઘણા કબરના પથ્થરોમાં તેમની ઉંમર, જન્મ તારીખ, મૃત્યુ તારીખ, પતિ-પત્નીના નામ, બાળકો અને તેમની વાર્તાઓ લખેલી હોય છે. ઘણી વખત બન્ને તરફ પણ લખાય છે. ગરીબ હતા તેમની કબરો લાલ રેતીના પથ્થરથી બનેલી હતી, જ્યારે અમીરોની કબર સોનાની પણ જોવા મળે છે.

English summary

Here the graves talk, know where this strange cemetery is located?