#ViralVideo: સ્પાઇડર મેન કરતાં ઝડપથી દીવાલ ચડે છે આ બાળક

ચપટી વગાડતામાં આ બાળક 10 ફૂટની દીવાલ પર ચડી જાય છે. તમે પણ જુઓ આ બાળકનો વાયરલ વીડિયો.

By Shachi

Updated: Wednesday, April 19, 2017, 11:03 [IST]

જો કોઇ કહે કે 3 વર્ષનું ભૂલકું ચપટી વગાડતામાં 10 ફૂટની દીવાલ ચડી જાય છે, તો તમે માનશો? ના. પરંતુ આ વીડિયો જોઇને ચોક્કસ માની જશે. આજે જે વીડિયો તમે જોશો એ જોઇને તમે આશ્ચર્યચકિત થઇ જશો. 3 વર્ષનું આ બાળક એવા-એવા કરતબ કરે છે કે, તમે જોતા જ રહી જાઓ!

ઇરાન માં રહેતા આ બાળક નું નામ છે અરાત હોસિની. દેખાવમાં અત્યંત ક્યૂટ અને નિર્દોષ લાગતું આ બાળક ખૂબ ચપળ અને ઝડપી છે. એને જોઇને તમને વિશ્વાસ જ નહીં થાય કે એ આટલા જોખમભર્યા સ્ટંટ પણ કરી શકે છે.

અરાતનો આ વીડિયો જોયા પછી લોકો તેને સ્પાઇડર મેન કહી બોલાવે છે. તે જિમમાં એક્સરસાઇઝના સ્ટંટ પણ એટલા પરફેક્શન સાથે કરે છે કે જોનાર દંગ રહી જાય. તેના પિતાની દેખરેખમાં જ તે હંમેશા સ્ટંટ પર્ફોમ કરે છે અને તેના આ વીડિયોઝ સોશિયલ મીડિયા પર ખૂબ ઝડપથી વાયરલ થયા છે.

તમે પણ જુઓ સ્પાઇડર મેન અરાતનો આ મજેદાર વીડિયો..