જાણો દેશના કયા નેતા કેટલું નીચોવે છે 'દેશનું તેલ'

By Kumar Dushyant

Updated: Thursday, September 5, 2013, 19:22 [IST]

સરકારના એક જવાબદાર મંત્રીના નિવેદને દેશને આકરો ઝટકો આપી દિધો છે. લોકોને સરકાર પાસે આ મંદી અને વધતા પેટ્રોલ-ડીઝલના ભાવને લઇને કંઇ સારું સાંભળવાની આશા નથી પરં મંત્રીના નિવેદને જેમ કે લોકોના દાઝ્યા પર મીઠું ભભરાવવાનું કામ કર્યું છે. અમે વાત કરી રહી રહ્યાં છીએ પેટ્રોલિયમ અને પ્રાકૃતિક ગેસ મંત્રી ડૉ. એમ વિરપ્પા મોઇલીની.

વિરપ્પા મોઇલીએ રાત્રે 8 વાગ્યા બાદ દેશભરમાં પેટ્રોલ પંપ બંધ કરી દેશમાં ઓઇલની ખપત પર લગામ કસવાની કવાયદ કરી હતી. પરંતુ સરકારને આ વાત પસંદ ન આવી. પરંતુ દેશમાં ઇંઘણની ખપત રોકવાથી આ સમસ્યાનું સમાધાન શક્ય નથી.

દેશની જનતા ઇંઘણની ઘપત જેટલી કરે છે. તેટલી તેની જરૂરિયાત છે કારણ વિના કોઇ પૈસા ફૂંકતા નથી. પરંતુ શું તમે દેશની સરકાર ચલાવનાર રાજકારણીઓ પર નજર કરી છે તે કેટલું ઇંઘણ વાપરે છે. જો કે ઇંઘણની માત્રાનું ઠીકઠાક અનુમાન લગાવવું શક્ય નથી પરંતુ તેમના વાહનોના ઝૂંડને જોઇને નિશ્વિતપણે અંદાજો લગાવી શકાય છે. તો આવો જોઇએ દેશના મુખ્યમંત્રી અને સાંસદોની શાહી સવારીઓ પોતાના પ્રવાસમાં કેટલું ઇંઘણ વાપરે છે.

દેશના વડાપ્રધાન મનમોહન સિંહ

સૌથી પહેલાં શરૂઆત કરીએ આપણા દેશના વડાપ્રધાન મનમોહન સિંહથી આમ તો આપણા વડાપ્રધાન પાસે પોતાની એક મારૂતિ 800 જ છે જેનો ઉલ્લેખ તેમને પોતાની સંપત્તિના વિવરણમાં કર્યો હતો. પરંતુ આ ઉપરાંત આધિકારિક રીતે તેમના કાફલામાં કુલ 10 કારો છે જેમાં બીએમડબ્લૂની સુપરલક્સરી કાર 7 સીરીજ, ટાટા સફારી, મર્સડીઝ બેંઝ જેવી કારો છે. આપણે આ વાતની મનાઇ ના કરી શકીએ કે તેમની પાસે આ કારો ન હોવી જોઇએ.

ઉત્તર પ્રદેશના મુખ્યમંત્રી અખિલેશ યાદવ

આમ તો ઉત્તર પ્રદેશમાં સાઇકલ થી સરકારને સત્તામાં લાવનાર યુવાન મુખ્યમંત્રી અખિલેશ યાદવ લેપટોપ વિતરણમાં વ્યસ્ત રહે છે. પરંતુ તેમના કાફલામાં સરકારી એમ્બેસેડર અને સારી એસયૂવી કારો સહિત કુલ 30 વાહન યુપીની છાતી પર દોડે છે.

સોનિયા ગાંધી

ભારતીય રાષ્ટ્રીય કોંગ્રેસના પ્રમુખ કે પછી કહેવામાં આવે કે વર્તમાન સરકારની સર્વેસર્વા, સોનિયા ગાંધીના કાફલામાં કુલ 4-5 ગાડીઓ ઉપલબ્ધ છે. જેમાં 4 ટાટા સફારી એસયૂવી અને 1 સુપરલક્સરી એસયૂવી રેંજ રોવર ઉપલબ્ધ છે.

ભૂપેન્દ્ર સિંહ હુડ્ડા

હરિયાણાના મુખ્યમંત્રી ભૂપેન્દ્ર સિંહ હુડ્ડાને પણ લક્સરી એસયૂવીનો ખૂબ શોખ છે. તેમના કાફલામાં કુલ 25 ફોર્ડ ઇંડેવર એસયૂવી ઉપલબ્ધ છે.

પીએમ ઇન વેટિંગ લાલકૃષ્ણ અડવાણી

ભાજપના વડીલ નેતાઓમાંના એક, લાલકૃષ્ણ અડવાણી આમ તો સત્તા સુખથી લાંબાગાળાથી વંચિત રહ્યાં છે. પરંતુ તેમના કાફલામાં 6 ગાડીઓ ઉપલબ્ધ છે. જેમાં 5 સરકારી એમ્બેસેડર અને 1 જામર ટેક્નોલોજીથી સુસજ્જ ટાટા સફારી એસયુવી ઉપલબ્ધ છે.

પંજાબી બાદલ બંધુ

પંજાબમાં શરૂથી જ દમદાર એન્જીન ક્ષમતાવાળી એસયૂવી વાહનોનો ક્રેજ રહ્યો છે અને તેની અસર ત્યાંના સત્તાધારી પર પણ ખૂબ જોવા મળે છે. પંજાબના મુખ્યમંત્રી પ્રકાશ સિંહ બાદલ અને ડેપ્યુટી સીમ સુખબીર સિંહ બાદલના કાફલામાં કુલ 51 ગાડીઓ ઉપલબ્ધ છે. આ બંધુ બુલેટપ્રુફ ટોયોટો લેંડ ક્રુજરમાં ફરે છે.

ઉમર અબ્દુલા

જમ્મૂ-કાશ્મીરના મુખ્યમંત્રી ઉમર અબ્દુલાના શાહી કાફલામાં કુલ 10-25 ગાડીઓ ઉપલબ્ધ છે. જેમાં મહિન્દ્રા સ્કૉર્પિયો, ટાટા સફારી, રેજ રોવર સામેલ છે.

પૃથ્વીરાજ ચૌહાણ

મહારાષ્ટ્રના મુખ્યમંત્રી પૃથ્વીરાજ ચૌહાણના કાફલામાં 6 ગાડીઓ ઉપલબ્ધ છે. જેમાં ટાટા સફારી, મહિન્દ્રા સ્કૉર્પિયો અને મારૂતિ જીપ્સી સામેલ છે.

ગુજરાતના મુખ્યમંત્રી નરેન્દ્ર મોદી

ગુજરાતના મુખ્યમંત્રી નરેન્દ્ર મોદીના કાફલામાં 10-12 ગાડીઓ સામેલ છે. જેમાં મોટાભાગની મહિન્દ્ર સ્કૉર્પિયો જ છે.

શિવરાજ સિંહ ચૌહાણ

મધ્ય પ્રદેશના મુખ્યમંત્રી શિવરાજ સિંહ ચૌહાણ શેવરલેની કેપ્ટિવામાં મુસાફરી કરે છે. તેમના કાફલામાં એક જીપ્સી સામેલ હોય છે, જેને પાયલોટ કાર તરીકે ઉપયોગ કરવામાં આવે છે. આ ઉપરાંત ચાર એમ્બેસેડર કાર પણ સામેલ હોય છે.

મમતા બેનર્જી

પશ્વિમ બંગાળની મુખ્યમંત્રી મમતા બેનર્જી સૌથી નાના કાફલામાં મુસાફરી કરે છે. તેમના પ્રવાસ દરમિયાન માત્ર 5 ગાડીઓ સામેલ હોય છે. પરંતુ જ્યારે તે કલકત્તાથી બહાર નિકળે છે તો તેમના કાફલામાં વાહનોની સંખ્યા વધી જાય છે.

નીતિશ કુમાર

બિહારના મુખ્યમંત્રી નીતિશ કુમારના કાફલામાં લગભગ 12 ગાડીઓ ઉપલબ્ધ હોય છે. આમ તો નીતિશ કુમાર સરકાર એમ્બેસેડર કારમાં મુસાફરી કરે છે પરંતુ અંતર મુજબ પોતાના કાફલામાં એસયુવી વાહનોનો સમાવેશ કરવામાં આવે છે.

રાષ્ટ્રપતિ પ્રણવ મુખર્જીની શાહી સવારી

દેશના રાષ્ટ્રપતિ પ્રણવ મુખર્જી આધિકારીક રીતે મર્સડીઝની લિમોજિન પુલમેનમાં સફર કરે છે. નિસંદેહ તેમના કાફલામાં ઘણા વાહનો સામેલ થાય છે. મર્સડીઝ એસ 600 પુલમેન કાર યાત્રા દરમિયાન એકદમ આરામદાયક હોય છે. આ કારની લંબાઇ કુલ 6356 મીમી છે, જો કે કારમાં સારી એવી મોકળાશ મળે છે.