આંતરરાષ્ટ્રીય ડાબોડી દિવસઃ અમેરિકાના 5 રાષ્ટ્રપતિ, અમિતાભ, સચિન...

આંતરરાષ્ટ્રીય ડાબોડી દિવસ એટલે કે એ લોકોનો દિવસ જે ડાબા હાથથી લખે છે અને જેમના બધા કામો ડાબા હાથથી થાય છે. વર્ષ 1991 માં આ દિવસની શરૂઆત થઈ હતી અને દર વર્ષે 13 ઓગસ્ટના રોજ આ દિવસ મનાવવામાં આવે છે.

Published: Monday, August 13, 2018, 13:37 [IST]

આંતરરાષ્ટ્રીય ડાબોડી દિવસ એટલે કે એ લોકોનો દિવસ જે ડાબા હાથથી લખે છે અને જેમના બધા કામો ડાબા હાથથી થાય છે. વર્ષ 1991 માં આ દિવસની શરૂઆત થઈ હતી અને દર વર્ષે 13 ઓગસ્ટના રોજ આ દિવસ મનાવવામાં આવે છે. આ દિવસ ઘોષિત કરવાનો હેતુ તે લોકોમાં રહેલી હીન ભાવના ખતમ કરવાનો હતો જેમને ડાબોડી હોવાના કારણે ઘણા લોકોના મજાકનો સામનો કરવો પડતો હતો. લોકોમાં આવા લોકો માટે જાગૃતતા લાવવા અને તેમની સાથે સારી રીતે વ્યવહાર કરવાના ઉદ્દેશથી શરૂ થનારા આ દિવસને આજે એક એક નવુ જ સ્થાન મળી ગયુ છે. આજે એક નહિ પરંતુ એવા ઘણા ડાબોડી લોકો છે જેના વિશે દુનિયા જાણે છે અને જેમને દુનિયામાં અલગ અલગ કારણોસર કીર્તિ પ્રાપ્ત થઈ છે.

કેટલાક રોચક તથ્ય

ડાબોડી ભલે ડાબા હાથે કોઈ ડિઝાઈન બનાવે પરંતુ તેનો વળાંક હંમેશા જમણી તરફ હોય છે.
જોડિયા બાળકોમાંથી એકના ડાબોડી હોવાની સંભાવના સૌથી વધુ હોય છે.
ડાબોડીઓમાં હકલાવાની અને ડિસ્લેક્સિયાની બિમારીનો દર સૌથી વધુ હોય છે.
પાણીની અંદર કોઈ પણ વસ્તુ ઓળખવાની ક્ષમતા ડાબોડીઓમાં સૌથી વધુ હોય છે.
ડાબોડીઓ ટેનિસ, બેઝબોલ, સ્વિમિંગ અને ફેંસિંગ જેવી રમતોમાં ઉસ્તાદ હોય છે.
જમણા હાથે કામ કરનારાની તુલનામાં ડાબોડીઓ જલ્દી પરિપક્વ થઈ જાય છે.
અમેરિકાના અપોલો મિશન પર જનારા દર ચાર અંતરિક્ષ યાત્રિઓમાંથી એક ડાબોડી હતો.
ડાબોડીઓ ખૂબ જ તેજ દિમાગ ધરાવતા હોય છે.
તેમનામાં કલ્પના કરવાની ક્ષમતા ખૂબ જ હોય છે.

આગળની સ્લાઈડ્સમાં જુઓ દુનિયાના કેટલાક ખાસ ડાબોડીઓ વિશેઃ

બરાક ઓબામા

અમેરિકાના 44 માં રાષ્ટ્રપતિ રહેલા બરાક ઓબામા ડાબોડી છે. જો કે ઘણા સંશોધનોમાં એ વાત કહેવામાં આવી છે કે ડાબોડીઓ ચર્ચામાં બહુ સારા નથી હોતા પરંતુ ઓબામાએ કદાચ એ સંશાધનોને ખોટા સાબિત કરી દીધા છે.

રોનાલ્ડ રીગન

અમેરિકાના 40 માં રાષ્ટ્રપતિ રોનાલ્ડ રીગન પણ ડાબોડી જ હતા. જો કે તેઓ હંમેથા મજાકમાં કહેતા હતા કે હું જમણા હાથે પણ લખીને બતાવી શકુ છુ. જો કે રીગનના કેટલાક ફોટા એવા છે જેમાં તેમને જમણા હાથે લખતા જોઈ શકાય છે.

બિલ ક્લિંટન

રીગન બાદ અમેરિકાના 41 માં રાષ્ટ્રપતિ રહેલા જ્યોર્જ એચ. ડબ્લ્યુ બુશ પણ ડાબોડી જ છે. ત્યારબાદ અમેરિકાના 42 માં રાષ્ટ્રપતિ બિલ ક્લિંટન પણ આ જ ક્લબનો હિસ્સો છે. તમને જણાવી દઈએ કે છેલ્લા કેટલાક દાયકામાં અમેરિકાને સાતમાંથી પાંચ ડાબોડી રાષ્ટ્રપતિ મળ્યા છે.

ડેવિડ કેમરુન

બ્રિટનના પૂર્વ પીએમ પણ પોતાના નજીકના દોસ્ત બરાક ઓબામાની જેમ જ ડાબોડી છે. કેમરુનની માનીએ તો તેમને ક્યારેય આના માટે સંકોચ નહોતો થયો.

અમિતાભ બચ્ચન

બોલિવુડના શહેનશાહ અમિતાભ બચ્ચન પણ ડાબોડી ક્લબનો હિસ્સો છે. અમિતાભની માનીએ તો ડાબોડી હોવુ તેમના માટે લકી છે.

સચિન તેંડુલકર

માસ્ટર બ્લાસ્ટર સચિન તેંડુલકર જે રમતા હતા તો જમણા હાથથી પરંતુ વાસ્તવમાં તે ડાબોડી છે.

બિલ ગેટ્સ

માઈક્રોસોફ્ટના ફાઉન્ડર બિલ ગેટ્સ આજે દુનિયાભરના યુવાનોના આદર્શ છે. ગેટ્સની માનીએ તો તે જમણા હાથેથી ક્યારેય સારા અક્ષરે લખી જ નહોતા શકતા એટલા માટે તેમણે ડાબા હાથે લખવાની કોશિશ શરૂ કરી હતી.