Birthday Special: 'છે મોદી એક ને વેશ જાજા', જુઓ તસવીરો

Updated: Wednesday, September 17, 2014, 16:40 [IST]

આજે દેશના વડાપ્રધાન નરેન્દ્ર મોદીનો 64મો જન્મ દિવસ છે. આ પ્રસંગે નરેન્દ્ર મોદીએ હંમેશની જેમ પોતાની માતા હીરાબાના આશિર્વાદ મેળવ્યા. હીરાબાએ મોદીને પાંચ હજાર રૂપિયાની ભેટ કાશ્મીરના પૂર પીડિતોની મદદ માટે આપી. નરેન્દ્ર મોદીની છબીને એક ગુજ્જુભાઇ તરીકે જોઇએ તો રાજકારણમાં દરેક નેતાઓ કરતા એકદમ અલાયદી રહી છે.

નરેન્દ્ર મોદીની છબી આખી દુનિયામાં એક શક્તિશાળી નેતા તરીકેની છે. મોદીના ચાહકો મોદીને 'ગુજરાતનો નાથ' તરીકે પણ ઓળખાવે છે. વિદેશમાં વસતા ગુજરાતીઓ અને ભારતીયો પણ મોદીની છટાના કાયલ છે. ગુજરાત વિધાનસભામાં હેટ્રીક માર્યા બાદ નરેન્દ્ર મોદી આખા દેશમાં છવાઇ ગયા, આખા દેશમાંથી એક જ સૂર ઊઠ્યો અને તે હતો 'PM.. PM.. PM...'

મોદીએ જે ખુમારી ગુજરાતની ચૂંટણીમાં બતાવી તેનાથી અનેકગણી મહેનત અને જુસ્સો લોકસભાની ચૂંટણીમાં બતાવી, અને તેનું પરિણામ પણ જગજાહેર છે. માત્ર એક ગુજરાતીએ આખા દેશમાં એવો તે ડંકો વગાળ્યો કે અમેરિકા, જાપાન, ચીન જેવા દેશોએ પણ નોંધ લેવી પડી. મોદી જાપાન યાત્રા કરી આવ્યા, ચીનના રાષ્ટ્રપતિ આજે અમદાવાદ આવી રહ્યા છે, જ્યારે સપ્ટેમ્બરના અંતે તેઓ અમેરિકા પ્રવાસ કરશે.

મોદી 'જેવો દેશ તેવો વેશ'ની નીતિ પર ચાલે છે. તેઓ મહારાષ્ટ્રમાં મરાઠી, આસામમાં આસામી, પશ્ચીમ બંગાળમાં બંગાળી જ નહીં પરંતુ નેપાળમાં નેપાળી પણ બોલી જાણે છે. આજે અમે ગુજ્જુભાઇ નરેન્દ્ર મોદીના જન્મદિવસ નિમિત્તે આપના માટે મોદી દ્વારા જુદા જુદા સ્થળોએ જુદીજુદી સ્થિતિમાં ભજવાયેલા વિવિધ વેશ તસવીરોમાં લઇને આવ્યા છીએ.

મોદીના વિવિધ 'વેશ' જુઓ તસવીરોમાં...