Fact Check: અશોક ગેહલોતની રેલીમાં ખરેખર લાગ્યા મોદી-મોદીના નારા? જાણો વીડિયોની સચ્ચાઈ

Rajasthan Assembly Elections 2023: રાજસ્થાન વિધાનસભા ચૂંટણી માટે 25 નવેમ્બર, શનિવારના રોજ મતદાન પૂર્ણ થયુ. સમગ્ર ચૂંટણી પ્રચાર દરમિયાન સોશિયલ મીડિયા પર ઘણા ફેક ન્યૂઝ અને વીડિયો દ્વારા મતદારોને ભ્રમિત કરવાની કોશિશ કરવામાં આવી.

રાજસ્થાનના મુખ્યમંત્રી અશોક ગહેલોતનો પણ એક વીડિયો સોશિયલ મીડિયા પર વાયરલ થયો. જેમાં દાવો કરવામાં આવ્યો કે તેમની રેલીમાં મોદી-મોદીના નારા લાગ્યા.વાયરલ વીડિયોમાં અશોક ગહેલોત લોકોને શાંત કરતા દેખાઈ રહ્યા છે.

સોશિયલ મીડિયા પર વાયરલ થયેલા વીડિયોમાં મુખ્યમંત્રી અશોક ગહેલોત એક સાર્વજનિક રેલીમાં બોલી રહ્યા છે. આ દરમિયાન મોદી-મોદીના નારા પણ વીડિયોમાં સંભળાઈ રહ્યા છે. વીડિયો સાથે દાવો કરવામાં આવ્યો કે આ નારાઓથી ચૂંટણીના પરિણામો સ્પષ્ટ દેખાઈ રહ્યા છે.

જો કે, તપાસમાં જાણવા મળ્ય છે કે આ વાયરલ વીડિયો એડિટેડ છે. મૂળ લાઈવ વીડિયોમાં મોદી-મોદીના નારા છે જ નહિ. અશોક ગહેલોત પોતાની યોજનાઓ વિશે જણાવી રહ્યા છે. આ વીડિયોમાં ક્યાંય પણ મોદી-મોદીનો અવાજ સંભળાતો નથી. અશોક ગહેલોતના ભાષણ દરમિયાન અમુક લોકો અવાજ કરતા હતા, સીએમ ગહેલોત તેમને આગળ સાંભળવા શાંત રહેવાનો ઈશારો કરી રહ્યા હતા. વાયરલ વીડિયો ફેક છે.

તપાસમાં જાણવા મળ્યુ કે રાજસ્થાન ચૂંટણીમાં મુખ્યમંત્રી સામે આવા ઘણા જૂઠ વાયરલ કરવામાં આવ્યા. આ વાયરલ વીડિયો પણ તેમાંનુ જ એક ઉદાહરણ છે. આ વીડિયો એડિટેડ છે અને આમાં મોદી-મોદીના નારા અલગથી ઉમેરીને વાયરલ કરવામાં આવ્યા છે.

જુઓ ફેક વીડિયો

ये लो साहब राजस्थान का चुनाव परिणाम आ गया

गहलोत जी पैकिंग शुरू करो pic.twitter.com/3ZZZIcV2q5

— Manoj Trivedi (@manojtrivedibjp) November 23, 2023

અહીં જુઓ વાસ્તવિક વીડિયો

English summary

Fact Check: people didn't chant modi-modi slogan in ashok gehlot's rally, video is fake