શું છે આધાર મિત્ર સેવા? જાણો કેવી રીતે આધાર અપડેટને સરળ બનાવશે?

By Desk

Published: Wednesday, March 6, 2024, 15:57 [IST]

આધાર કાર્ડને લઈને ઘણા લોકો પરેશાન થાય છે. હવે આ પરેશાનીનો હલ થવા જઈ રહ્યો છેય બહુ જલ્દી આધાર મિત્ર સેવા શરૂ થવા જઈ રહી છે.

યુનિક આઈડેન્ટિફિકેશન ઓથોરિટી ઓફ ઈન્ડિયાએ નાગરિકોને તેમના આધાર-સંબંધિત પ્રશ્નોના હલ માટે એક નવો ઉકેલ રજૂ કર્યો છે.

આધાર મિત્ર એક ચેટબોટ છે, તે UIDAIની સત્તાવાર વેબસાઈટનો વર્ચ્યુઅલ આસિસ્ટન્ટ પ્રોગ્રામ છે. તે લોકોની મદદ કરવાનું કામ કરે છે.

તેનું મુખ્ય કાર્ય આધાર-સંબંધિત વિવિધ સેવાઓ પર કાર્યક્ષમ જવાબો અને માર્ગદર્શન આપવાનું છે. જે લોકોને આધાર કાર્ડ સંબંધિત સેવાઓ વિશે ઓછી જાણકારી છે તેમના માટે આ આધાર મિત્ર ખૂબ જ ઉપયોગી સાબિત થઈ શકે. અહીં તમે આધાર સંબંધિત બેઝિક પ્રશ્નોના જવાબો જાણી શકો છો.

આધાર મિત્ર ડિજિટલ વિશ્વમાં લોકો માટે આધાર સંબંધિત સેવાઓને વધુ સરળ બનાવવાની દિશામાં યુનિક આઇડેન્ટિફિકેશન ઓથોરિટી દ્વારા લેવાયેલું એક મહત્વપૂર્ણ પગલું છે. તમારે નજીકના આધાર કેન્દ્રને શોધવાની જરૂર છે, આધાર અપડેટ વિનંતીનું સ્ટેટસ તપાસવું, તમારું ઈ-આધાર ડાઉનલોડ કરવું, ફરિયાદ નોંધાવવી અથવા હાલની ફરિયાદનું સ્ટેટસ ટ્રૅક કરવું, આધાર મિત્ર તમને મદદ કરવા તૈયાર છે.

જણાવી દઈએ કે અંગ્રેજી અને હિન્દી બંને ભાષાનો વિકલ્પ લોકોમાં આ ચેટબોટની પહોંચને વધુ વિસ્તૃત કરી રહ્યો છે, જેનાથી ભારતીય વસ્તીનો મોટો વર્ગ તેની સેવાઓનો લાભ લઈ શકે તે સુનિશ્ચિત કરી રહ્યું છે.

આધાર મિત્રનો ઉપયોગ કેવી રીતે કરવો?

આધાર મિત્ર સાથે જોડાણ કરવું એકદમ સરળ છે. આ માટે યુઝરે UIDAI વેબસાઇટ (https://uidai.gov.in/) ની મુલાકાત લેવી પડશે અને Ask Aadhaar Friend વિકલ્પ શોધવો પડશે.
આ સામાન્ય રીતે વેબસાઇટની નીચે જમણા ખૂણે જોવા મળે છે. આ વિકલ્પ પસંદ કરવાથી એક ચેટ વિન્ડો દેખાય છે.
આ ચેટ વિન્ડોમાં તમારે તમારો પ્રશ્ન લખો. આમાં પૂછાયેલા પ્રશ્નોના આધારે આધાર મિત્રના વિવિધ કાર્યોને સરળ બનાવવા માટે જરૂરી માહિતી આપવામાં આવે છે. તેની મદદરૂપ લિંક ઉપલબ્ધ છે અને આમાં તમે સ્ટેપ-બાય-સ્ટેપ પ્રોસેસનો ઉપયોગ કરી શકો છો.

Published On March 6, 2024