ભારતીય રૂપિયાની સાથે આ ચલણોનું પણ થયું અવમૂલ્યન

Published: Wednesday, August 21, 2013, 12:37 [IST]

મુંબઇ, 21 ઓગસ્ટ : ડોલરની સામે રૂપિયાના મૂલ્યમાં થઇ રહેલા સતત અવમૂલ્યનને કારણે ભારત સરકારની સાથે આર્થિક જગત પણ ચિંતામાં છે. વર્તમાન સ્થિતિમાં વધારે ચિંતાની બાબત એ છે કે અમેરિકન ડોલરની સરખામણીએ રૂપિયાનું અવમૂલ્યન આગામી સમયમાં પણ ચાલુ રહેશે. આ સ્થિતિ અંગે મુંબઇના દલાલ સ્ટ્રીટના એક્સપર્ટ્સનું માનવું છે કે આગામી સમયમાં રૂપિયાનું અવમૂલ્યન ચાલુ રહેશે જેના પગલે ડોલરની સામે રૂપિયાનો ભાવ 70 રૂપિયા પ્રતિ ડોલર સુધી પહોંચી જવાની શક્યતાઓ જોવા મળી રહી છે.

બીજી તરફ હકીકત એ પણ છે કે મુદ્રા કે ચલણના અવમૂલ્યનની સમસ્યાથી માત્ર ભારત દેશ એકલો પીડાઇ રહ્યો નથી. અવમૂલ્યનની ભરતીમાં ભારત ઉપરાંત ઇન્ડોનેશિયા, બ્રાઝિલ અને આર્જેન્ટિના જેવા દેશો પણ સપડાયા છે. આ તમામ દેશોના ચલણોનું મૂલ્ય સતત ઘટી રહ્યું છે. આવનારા દિવસોમાં તેમાં વધારે ઘટાડો નોંધાય એવી સંભાવના છે.

સરકારી તિજોરી ખાલી

(તસવીર - ભારતીય રૂપિયા)

વાસ્તવમાં વિશ્વના મોટા ભાગના વિકાસશીલ અર્થવ્યવસ્થાઓની સ્થિતિ હાલમાં આવી જ છે. આ તમામ દેશોની સમસ્યાઓ એક બીજા મળતી આવે છે. જેમાં આયાતનું વધતું બિલ, નિકાસમાં ઘટાડો, કમરતોડ મોંઘવારી અને ખાલી થઇ રહેલી સરકારી તિજોરીનો સમાવેશ થાય છે.

અવમૂલ્યન રોકવામાં સફળતા નહીં

(તસવીર - ઇન્ડોનેશિયન રૂપિયા)

ચલણના અવમૂલ્યનની ઘટતી જતી સમસ્યાને રોકવા માટે સમસ્યાનો સામનો કરી રહેલા દેશોએ એક બીજાને મળતા પગલાં પણ ઉઠાવ્યા છે. જો કે પોતાના દેશના ચલણનું અવમૂલ્યન રોકવામાં એક પણ દેશને સફળતા મળી નથી.

ડોલર સતત મજબૂત બન્યો

(તસવીર - બ્રાઝિલિયન રિયાસ)

સમસ્યાનું મૂળ એ છે કે અમેરિકન ડોલર સતત મજબૂત બની રહ્યો છે અને ઉર્જા કે પેટ્રોલિયમ પદાર્થોની આયાતને કારણે દેશોનું બિલ વધી રહ્યું છે. આ કારણે દેશોની મુદ્રાઓના મૂલ્યમાં ઘટાડો નોંધાય છે.

શેરબજાર કકડભૂસ

(તસવીર - આર્જેન્ટિનાનો પેસો)

દરેક દેશની સમસ્યાઓના તાર એકબીજા સાથે જોડાયેલા છે. ચલણના મૂલ્યમાં ઘટાડો થવાને કારણે વિદેશી રોકાણકારો પોતાના પૈસા કાઢી રહ્યા છે. જેના કારણે શેરબજારમાં શેરોના ભાવ પણ ઘટી રહ્યા છે. જો કે આ મુદ્રા સંકટ લાંબો સમય નહીં ચાલે.

સરકારી તિજોરી ખાલી
વાસ્તવમાં વિશ્વના મોટા ભાગના વિકાસશીલ અર્થવ્યવસ્થાઓની સ્થિતિ હાલમાં આવી જ છે. આ તમામ દેશોની સમસ્યાઓ એક બીજા મળતી આવે છે. જેમાં આયાતનું વધતું બિલ, નિકાસમાં ઘટાડો, કમરતોડ મોંઘવારી અને ખાલી થઇ રહેલી સરકારી તિજોરીનો સમાવેશ થાય છે.

અવમૂલ્યન રોકવામાં સફળતા નહીં
ચલણના અવમૂલ્યનની ઘટતી જતી સમસ્યાને રોકવા માટે સમસ્યાનો સામનો કરી રહેલા દેશોએ એક બીજાને મળતા પગલાં પણ ઉઠાવ્યા છે. જો કે પોતાના દેશના ચલણનું અવમૂલ્યન રોકવામાં એક પણ દેશને સફળતા મળી નથી.

ડોલર સતત મજબૂત બન્યો
સમસ્યાનું મૂળ એ છે કે અમેરિકન ડોલર સતત મજબૂત બની રહ્યો છે અને ઉર્જા કે પેટ્રોલિયમ પદાર્થોની આયાતને કારણે દેશોનું બિલ વધી રહ્યું છે. આ કારણે દેશોની મુદ્રાઓના મૂલ્યમાં ઘટાડો નોંધાય છે.

શેરબજાર કકડભૂસ
દરેક દેશની સમસ્યાઓના તાર એકબીજા સાથે જોડાયેલા છે. ચલણના મૂલ્યમાં ઘટાડો થવાને કારણે વિદેશી રોકાણકારો પોતાના પૈસા કાઢી રહ્યા છે. જેના કારણે શેરબજારમાં શેરોના ભાવ પણ ઘટી રહ્યા છે. જો કે આ મુદ્રા સંકટ લાંબો સમય નહીં ચાલે.

Published On August 21, 2013