GST Council Meeting : આ વસ્તુઓ થઇ સસ્તી, જાણો જીએસટી પરિષદની બેઠકના મહત્વના મુદ્દા

GST Council Meeting : જીએસટી પરિષદની બેઠકમાં મંગળવારના રોજ ઓનલાઇન ગેમિંગ કંપનીઓ, કસિનો અને ઘોડાની રેસના કુલ કારોબાર પર 28 ટકા ટેક્સ લગાવવા સહિતના ઘણા નિર્ણયો લેવામાં આવ્યા છે.

જીએસટી પરિષદની બેઠકની બેઠકમાં કેન્સરની દવાઓને જીએસટીના દાયરામાંથી બહાર કરવામાં આવી છે, જે કારણે લોકોને સારવાર મેળવવામાં સરળતા રહે.

GST કાઉન્સિલની બેઠકમાં લેવાયેલા મુખ્ય નિર્ણયો

ઓનલાઈન ગેમિંગ કંપનીઓ, કેસિનો અને હોર્સ રેસિંગના કુલ ટર્નઓવર પર 28 ટકાના દરે GST લાગશે.

સિનેમા હોલમાં પીરસવામાં આવતા ખાણી-પીણી પર 18 ટકા ટેક્સની જગ્યાએ હવે માત્ર 5 ટકા ટેક્સ લાગશે.

સેસ વસૂલવા માટે SUV (સ્પોર્ટ્સ યુટિલિટી વ્હીકલ) ની વ્યાખ્યામાં ફેરફાર કરવામાં આવ્યો છે. અત્યાર સુધી ચાર માપદંડો હતા - SUV તરીકે લોકપ્રિય હોવું, ચાર મીટર કે તેથી વધુ લંબાઈની હોવી, 1,500 cc કે તેથી વધુની એન્જિન ક્ષમતા હોવી અને વજન વિના ન્યૂનતમ 170 mm નું ગ્રાઉન્ડ ક્લિયરન્સ હોવું. હવે એસયુવીની વ્યાખ્યા બદલતી વખતે માત્ર ત્રણ પેરામીટર રાખવામાં આવ્યા છે અને જે પેરામીટર એસયુવી તરીકે લોકપ્રિય છે, તે હટાવી દેવામાં આવ્યા છે.

કાઉન્સિલે GST સંબંધિત વિવાદોના સમાધાન માટે તમામ રાજ્યોમાં એપેલેટ ટ્રિબ્યુનલની સ્થાપના માટે નિયમો અને શરતોને મંજૂરી આપી હતી. સમગ્ર દેશમાં લગભગ 50 ટ્રિબ્યુનલ્સની સ્થાપના કરવામાં આવશે. આ સાથે તેઓ આગામી ચાર-છ મહિનામાં કામ કરવાનું શરૂ કરશે.

કેન્સરની સારવારની દવાઓ અને દુર્લભ રોગોમાં વપરાતી દવાઓને GSTના દાયરામાંથી બહાર રાખવાનો નિર્ણય કરવામાં આવ્યો છે.

ખાનગી કંપનીઓ દ્વારા અપાતી સેટેલાઇટ પ્રક્ષેપણ સેવાઓ માટે પણ GSTમાંથી મુક્તિ આપવામાં આવી છે.

English summary

These things have become cheaper, know the important points of the GST Council meeting