rbi pension regulations update : હવે મોડુ પેન્શન જમા કરનારી બેંકોની ખેર નહીં, RBI એ લાગુ કર્યો નવો કડક નિયમ

rbi pension regulations update : પેન્શન મેળવનારા વરિષ્ઠ નાગરિકો માટે રાહતના સમાચાર છે. ભારતીય રિઝર્વ બેંક (RBI) એ એક મહત્વપૂર્ણ અને પેન્શનરો માટે લાભદાયક નિર્ણય જાહેર કર્યો છે.

હવે જો કોઈ પેન્શનરનો પેન્શન સમયસર નથી જમા કરે તો જવાબદાર બેંકે પેન્શનના વિલંબ માટે 8% વાર્ષિક વ્યાજ ચૂકવવું પડશે.

આ નવો નિયમ આખા દેશમાં લાગુ પડશે અને તેના કારણે પેન્શનરોને સમયસર પેન્શન મળશે અને વિલંબ થાય તો વ્યાજરૂપે વળતર પણ મળશે.

ઘણીવાર એવું સામે આવ્યું છે કે પેન્શનરોને વધારાનું પેન્શન કે બાકી રહેલી રકમ સમયસર મળતી નથી. આવા કિસ્સાઓમાં RBI એ બેંકોને સ્પષ્ટ સૂચના આપી છે કે જો પેન્શન ચુકવવામાં વિલંબ થાય તો પેન્શનધારકના ખાતામાં બેંક દ્વારા આપમેળે 8% વ્યાજની રકમ જમા કરવી પડશે.

આ નિયમ મુજબ બેંક જ્યારે વધારાનું પેન્શન કે બાકી રકમ જમા કરશે ત્યારે તે દિવસે જ વ્યાજની રકમ પણ પેન્શનધારકના ખાતામાં જમા કરવી ફરજિયાત રહેશે.

આ નિયમ 1 ઓક્ટોબર 2008 પછી થયેલા તમામ વિલંબિત પેન્શન ચૂકવણી પર લાગુ પડશે. મહત્વની વાત એ છે કે આ માટે પેન્શનધારકે કોઇ દાવો કરવા કે અરજીફોર્મ ભરવાની જરૂર નથી. RBI દ્વારા સ્પષ્ટ કરાયું છે કે આ પ્રક્રિયા આપમેળે થાય એવી વ્યવસ્થા બેંકોને કરવી પડશે.

RBI એ પેન્શન ચૂકવતી બેંકોને આદેશ આપ્યો છે કે તેઓ પેન્શન ચુકવણીમાં વિલંબ ન થાય માટે પેન્શન અધિકારીઓ પાસેથી સીધી રીતે પેન્શન ઓર્ડરની નકલ તાત્કાલિક મેળવી શકે તેવા માધ્યમો વિકસાવે. આથી પેન્શન પ્રક્રિયા વધુ ઝડપથી અને અસરકારક રીતે થશે.

English summary

RBI Pension Regulations Update 2025: New Rule Imposes 8% Interest on Delayed Payments