નોકિયાનો નવો સ્માર્ટફોન લુમિયા 925 લોન્ચ

Updated: Thursday, October 23, 2014, 14:54 [IST]

લંડન, 15 મેઃ ફિનલેન્ડની મોબાઇલ નિર્માતા કંપની નોકિયાએ નવી મેટલ ડિઝાઇન અને વધુ સક્ષમ કેમેરાવાળા નવા સ્માર્ટફોન લુમિયા 925ને લોન્ચ કર્યો છે. કંપનીએ મંગળવારે સાંજે લંડનમાં પોતાના નવા સ્માર્ટફોનને રજૂ કર્યો અને જાહેર કર્યું કે, જૂનના અંત સુધીમાં અંદાજે 400 પોન્ડના આ સ્માર્ટફોનનું વેચાણ શરૂ કરી દેવામાં આવશે.

ભારતમાં લુમિયા 925ને લોન્ચ કરવાના પ્રશ્ન પર નોકિયા સ્માર્ટફોન ડિવાઇસના કાર્યકારી ઉપાધ્યક્ષ જો હાલરે કહ્યું કે, અમે ટુંક સમયમાં એ અંગે ઘોષણા કરીશું. તેમણે કહ્યું કે, ભારત અમારા માટે પ્રમુખ બજાર છે. લુમિયા ઉત્પાદ વિપણન પ્રમુખ વેસા જુટિલાએ જણાવ્યું કે, લુમિયા 925 અને 928 કંપનનીની પ્રમુખ ઉત્પાદ છે. તેમણે કહ્યું કે, ભારત અમારા માટે એક મોટુ બજાર બની ગયું છે અને અમે તેને પ્રાથમિકતા આપીએ છીએ.

લુમિયા 925ના ફિચર્સ પર એક નજર

ડિસ્પ્લેઃ- 4.5 ઇંચની એમોલેડ ટચ સ્ક્રિન, 1280×768 રેજોલ્યુશન
મેમરીઃ- 16જીબી ઇનબિલ્ટ મેમરી, 7જીબી સ્કાયડ્રાઇવ ક્લાઉડ સ્ટોરેજ
રેમઃ- 1જીબી
સપોર્ટઃ- વાઇફાઇ , બ્લુટુથ
પ્રોસેસરઃ- 1.5 ગીગાહર્ટ પ્રોસેસર
કેમરાઃ- 8.7 મેગાપિક્સલ
બેટરીઃ- 2000 એમએએચ