Mercedes-Benz India sales : મર્સિડીઝ બેન્ઝ ઈન્ડિયાનું પ્રથમ ત્રિમાસિક ગાળામાં શાનદાર પ્રદર્શન

Mercedes-Benz India sales : ભારતની અગ્રણી લક્ઝરી કાર ઉત્પાદક કંપની મર્સિડીઝ બેન્ઝ ઈન્ડિયાએ નાણાંકીય વર્ષ 2024-25ના પ્રથમ ત્રિમાસિક ગાળામાં 4,775 યુનિટ્સના વેચાણ સાથે નોંધપાત્ર પ્રદર્શન કર્યું છે.

આ સાથે આખા નાણાંકીય વર્ષમાં કંપનીએ કુલ 18,928 કારનું વેચાણ કરીને અત્યાર સુધીનો સર્વશ્રેષ્ઠ ત્રિમાસિક રેકોર્ડ નોંધાવ્યો છે.

મર્સિડીઝ માટે આ સફળતાપૂર્ણ ત્રિમાસિક ગાળો મુખ્યત્વે તેની ટોપ-એન્ડ લક્ઝરી સેગમેન્ટ અને બેટરી ઇલેક્ટ્રિક વ્હીકલ (BEV) પોર્ટફોલિયો માટેની મજબૂત માંગને કારણે આવ્યો છે.

ગ્રાહકો વચ્ચે એસ-ક્લાસ, મર્સિડીઝ મેબેક, જી63 એએમજી, અને ઇક્યુએસ એસયુવી જેવી પ્રીમિયમ કાર માટે ઉત્સાહ જોવા મળ્યો છે.

નાણાંકીય વર્ષ 2024-25માં મર્સિડીઝે કુલ 4 ટકાની વૃદ્ધિ નોંધાવી છે. ખાસ કરીને ટોપ-એન્ડ લક્ઝરી સેગમેન્ટમાં 34 ટકાનો જોરદાર વધારો થયો છે જ્યારે બીઈવી સેગમેન્ટે 51 ટકાની વૃદ્ધિ નોંધાવી છે.

2025ના પ્રથમ ત્રિમાસિક ગાળામાં એન્ટ્રી લેવલ લક્ઝરી સેગમેન્ટમાં 28 ટકાનો ઘટાડો થયો હોવા છતાં ટોપ-એન્ડ લક્ઝરી સેગમેન્ટમાં 6 ટકાની વૃદ્ધિ નોંધાઈ છે, જે ભારતીય ગ્રાહકોના બદલાતા ટેસ્ટ અને ટોચની કાર તરફના વલણને દર્શાવે છે.

મર્સિડીઝ બેન્ઝ ઈન્ડિયા આગામી ત્રિમાસિક ગાળામાં આગ્રા, કાનપુર, વારાણસી અને જમ્મુ જેવા ઉદયમાન શહેરોમાં નવી MAR 20X લક્ઝરી આઉટલેટ્સ શરૂ કરશે. હાલમાં કંપની પાસે બેંગાલુરુમાં નવી 3S ફેસિલિટી અને હૈદરાબાદમાં વર્લ્ડ-ક્લાસ સર્વિસ સેન્ટર કાર્યરત છે.

ફ્રેન્ચાઇઝી પાર્ટનર્સ તરફથી આગામી ત્રણ વર્ષમાં ₹450 કરોડથી વધુનું રોકાણ થવાનું છે, જે બ્રાન્ડની હાજરીને મજબૂત બનાવશે અને ગ્રાહકોને આંતરરાષ્ટ્રીય સ્તરની લક્ઝરી સર્વિસ પૂરી પાડશે.

મર્સિડીઝના એસયુવી પોર્ટફોલિયો જેમ કે GLA, GLC, GLE, GLS અને G-Class - માટે પણ ભારે માંગ નોંધાઈ છે. નાણાંકીય વર્ષ 2024-25માં કુલ વેચાણના 60 ટકા ભાગ માત્ર એસયુવી કારમાંથી આવ્યો છે.

મર્સિડીઝ બેન્ઝ ભારતના મેનેજિંગ ડિરેક્ટર અને સીઈઓ સંતોષ ઐયરે જણાવ્યું કે, ભારતીય ગ્રાહકોની પસંદગી, અમારા ઇનોવેટિવ પ્રોડક્ટ પોર્ટફોલિયો અને અસાધારણ રિટેલ અનુભવની સાથે જોડી છે. અમારા ફ્રેન્ચાઇઝી પાર્ટનર્સના અદ્વિતીય સમર્પણને કારણે મર્સિડીઝ આજે દરેક બીજા લક્ઝરી કાર વેચાણમાં આગળ છે.

તેમણે વધુમાં જણાવ્યું કે, કંપનીનો દૃષ્ટિકોણ ગ્રાહકોને મજબૂત અનુભવ આપવાનો છે અને બ્રાન્ડનું પાયાથી મજબૂત બેઝ તેને ભારતીય બજારમાં લાંબા ગાળે સફળ બનાવશે.

English summary

Mercedes-Benz India Records Strong Q1 Sales in FY 2024-25 with 4,775 Units Sold