LPG Cylinder Price: બજેટના દિવસે જ મોંઘવારીનો માર, એલપીજી સિલિન્ડરના ભાવમાં થયો વધારો, જાણો નવા રેટ

LPG Cylinder Price Hike today: ફેબ્રુઆરીના પહેલા જ દિવસે, ગ્રાહકોને મોટો ઝટકો મળ્યો છે. સામાન્ય જનતા પર મોંઘવારીનો બૉમ્બ વિસ્ફોટ થયો છે. વાસ્તવમાં, આજે સવારે પેટ્રોલિયમ કંપનીઓએ એલપીજી સિલિન્ડરની કિંમતમાં વધારો કર્યો છે.

લગ્નની સીઝનમાં વધતી માંગ અને આંતરરાષ્ટ્રીય બજારમાં અસરગ્રસ્ત કિંમતોને કારણે આજે એલપીજી સિલિન્ડરની કિંમતમાં 14 રૂપિયાનો વધારો કરવામાં આવ્યો છે.

જો કે, આ વધારો 19KG કૉમર્શિયલ સિલિન્ડર પર થયો છે, ઘરેલુ LPG ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી, જે મોટી રાહતની વાત છે.

તમને જણાવી દઈએ કે કૉમર્શિયલ ગેસ સિલિન્ડરના નવા ભાવ આજથી અમલમાં આવી ગયા છે. નોંધનીય છે કે ઈંધણ કંપનીઓ દર મહિનાની પહેલી તારીખે એલપીજીના ભાવ અપડેટ કરે છે. 1 જાન્યુઆરીએ પણ 19 કિલોના કૉમર્શિયલ ગેસ સિલિન્ડરની કિંમતમાં ઘટાડો કરવામાં આવ્યો હતો, પરંતુ આજે કિંમતમાં વધારો કરવામાં આવ્યો છે.

દેશના ચાર મહાનગરોમાં નવા ભાવ જોઈએ તો દિલ્હીમાં રૂ.1769.50, કોલકત્તામાં રૂ.1887.00, મુંબઈમાં રૂ.1723.50 અને ચેન્નાઇમાં રૂ.1937 છે.

ખાસ વાત એ છે કે આજે એટલે કે 1 ફેબ્રુઆરીએ મોદી સરકારના બીજા કાર્યકાળનું છેલ્લું બજેટ (Budget 2024) રજૂ થવા જઈ રહ્યું છે. નાણામંત્રી નિર્મલા સીતારમણ(Nirmala Sitaraman) આજે સંસદમાં આ બજેટ રજૂ કરશે અને આ દિવસે જ એલપીજીના ભાવમાં વધારો કરવામાં આવ્યો છે.

નોંધનીય છે કે નરેન્દ્ર મોદી સરકારના 10 વર્ષના કાર્યકાળમાં આ બીજું વચગાળાનું બજેટ છે. નિર્મલા સીતારમણ છઠ્ઠી વખત બજેટ રજૂ કરશે. આ તેમનું વચગાળાનું બજેટ છે, ચૂંટણીનું વર્ષ હોવાથી આજનો બજેટ પૉપ્યુલિસ્ટ હશે એવી અપેક્ષા છે.

English summary

LPG cylinder prices increase from today, Know the new rates here.