Israel-Hamas war: ભારત પર થશે ઇઝરાયેલ-હમાસ યુદ્ધની અસર, જાણો અર્થશાસ્ત્રીનો મત

Published: Sunday, October 8, 2023, 19:17 [IST]

Israel-Hamas war: હાલ ઇઝરાયેલ-હમાસ યુદ્ધના કારણે સમગ્ર વિશ્વની ઇકોનોમિ પર અસર થઇ રહી છે. જો નિષ્ણાતોના મત અનુસાર જો ઇઝરાયેલ-હમાસ યુદ્ધ સમગ્ર પશ્ચિમ એશિયામાં ફેલાઇ ગયું, તો ખનીજ તેલની સપ્લાઇમાં પડકાર ઉભા થઇ શકે છે. વરિષ્ઠ અર્થશાસ્ત્રી ઇઝરાયેલ-હમાસ યુદ્ધના ભારતીય અર્થવ્યવસ્થા પર પ્રભાવ અંગે રાહ જોવાની અને અવલોકન કરવાની સ્થિતિમાં છે.

ભારતીય અર્થવ્યવસ્થા પર યુદ્ધની અસર વિશે ટિપ્પણી કરવી ખૂબ જ વહેલું છે. કારણ કે, પરિસ્થિતિ પર નજર રાખવી પડશે. IANSના સમાચાર અનુસાર, જો જરૂર પડે તો આ યુદ્ધ સમગ્ર પશ્ચિમ એશિયામાં ફેલાઈ જવાની અને તેમાં ઘણા દેશો સામેલ થવાની સંભાવનાને નકારી શકાય તેમ નથી.

ભારત સાથે ઈઝરાયેલનો વેપાર - અહેવાલો અનુસાર, એક્યુટ રેટિંગ્સ એન્ડ રિસર્ચ લિમિટેડના ચીફ ઇકોનોમિસ્ટ અને રિસર્ચ હેડ સુમન ચૌધરીનું કહેવું છે કે, OPEC+ (પેટ્રોલિયમ એક્સપોર્ટિંગ કન્ટ્રીઝ અને અન્ય ઓઇલ ઉત્પાદક દેશોની સંસ્થા) દ્વારા સપ્લાયમાં કાપને કારણે ક્રૂડ ઓઇલના ભાવમાં ઘટાડો થયો છે.

આંતરરાષ્ટ્રીય બજારમાં અગાઉ ઘટાડો થયો છે. તેમનું કહેવું છે કે, સંઘર્ષની સીધી અસર મર્યાદિત રહેશે. કારણ કે, ભારત સાથે ઈઝરાયેલનો વેપાર 10 અબજ ડોલરથી થોડો વધારે છે. નાણાકીય વર્ષ 2023માં ઇઝરાયેલમાં નિકાસ 8.5 બિલિયન ડોલર અને આયાત 2.3 બિલિયન ડોલર છે.

RBI હાલ કોઈ કાર્યવાહી કરે તેવી શક્યતા નથી - બેંક ઓફ બરોડાના ચીફ ઈકોનોમિસ્ટ મદન સબનવીસે જણાવ્યું હતું કે, આર્થિક અસર પહેલા તેલના ભાવ અને પછી ચલણ દ્વારા જોવામાં આવશે. આરબીઆઈની કાર્યવાહી પર ચૌધરીએ જણાવ્યું હતું કે, તે માત્ર ઉભરતી પરિસ્થિતિ પર નજર રાખશે, અને આ સમયે કોઈ કાર્યવાહી થવાની સંભાવના નથી. ફુગાવાની અસર ગ્રાહક ભાવ સૂચકાંક પર નહીં, પરંતુ જથ્થાબંધ ભાવ સૂચકાંક પર જોવા મળશે. ક્રૂડ ઓઈલના ઊંચા ભાવની અસર ઓઈલ માર્કેટિંગ કંપનીઓ પર જોવા મળી શકે છે.

સોનાના ભાવ વધવાનો ડર - સુમન ચૌધરીએ જણાવ્યું હતું કે, જો પશ્ચિમ એશિયામાં ચાલી રહેલા સંઘર્ષ સંપૂર્ણ પાયાના યુદ્ધમાં ફેરવાય છે અને નવા પુરવઠાની અવરોધો ઊભી થાય છે, તો ભારત સરકાર આવશ્યક ચીજવસ્તુઓના ભાવ ઘટાડવા માટે પગલાં લઈ શકે છે.

આ સિવાય યુદ્ધના કારણે સોનાના ભાવમાં વધારો થવાની સંભાવના છે. મદ્રાસ જ્વેલર્સ એન્ડ ડાયમંડ મર્ચન્ટ્સ એસોસિયેશનના પ્રમુખ અને ચેલેન્જ જ્વેલરી માર્ટના ભાગીદાર જયંતિલાલ ચેલેન્જેજાનીએ જણાવ્યું હતું કે, યુદ્ધના કારણે શનિવારના રોજ ભાવમાં વધારો થયો હતો.

Published On October 8, 2023