આઇઆરસીટીસીની એર ટિકિટ બુકિંગ કરવા પર મળશે 50 લાખનો વીમો

આઈઆરસીટીસી, જે ઑનલાઇન ટિકિટ બુકિંગની સુવિધા આપે છે, તે એર મુસાફરો માટે એક ખાસ ઓફર લાવી છે.

Updated: Thursday, January 10, 2019, 15:52 [IST]

આઈઆરસીટીસી, જે ઑનલાઇન ટિકિટ બુકિંગની સુવિધા આપે છે, તે એર મુસાફરો માટે એક ખાસ ઓફર લાવી છે. આ ઓફર હેઠળ આઇઆરસીટીસી તરફથી એર ટિકિટો બુક કરનારા મુસાફરોને હવે 50 લાખનો ફ્રી ટ્રાવેલ ઇન્શ્યોરન્સ મળશે. આ માહિતી બુધવારે આઇઆરસીટીસી અધિકારીએ આપી હતી.

આ પણ વાંચો: Paytm યુઝર્સ માટે ખુશખબર, વૉલેટમાં બેલેન્સ વિના કરી શકો છો 60000 રૂપિયાની ખરીદી

ઘરેલુ અને આંતરરાષ્ટ્રીય ફ્લાઇટ્સ બંને માટે વીમા સુવિધા

આઇઆરસીટીસીના અધિકારીએ જણાવ્યું હતું કે, આ ઓફરનો લાભ ઘરેલુ અને આંતરરાષ્ટ્રીય બંને ફ્લાઇટ્સ માટે ટિકિટ બુકિંગ કરનારા યાત્રીઓ માટે ઉપલબ્ધ રહેશે. આ હેઠળ કોઈપણ અકસ્માતની સ્થિતિમાં આઈઆરસીટીસી દ્વારા પીડિતોને નાણાકીય સહાય પૂરી પાડવામાં આવશે.

યાત્રીઓના સંબંધીઓને 50 લાખ રૂપિયાની નાણાકીય સહાય

આ વીમા ઓફર હેઠળ દુર્ઘટનામાં મૃત્યુ અથવા સંપૂર્ણ અપંગતામાં યાત્રીઓના સંબંધીઓને 50 લાખ રૂપિયાની નાણાકીય સહાય આપવામાં આવશે. જણાવી દઈએ કે અધિકારીનું કેહવું છે કે આ વીમા સુવિધા એર યાત્રીઓની સલામતી માટે શરૂ કરવામાં આવી છે.

આવવા-જવા અથવા બંને તરફની યાત્રાની સુવિધા

જોકે, આઈઆરસીટીસી અનુસાર, યાત્રીઓને ટ્રાવેલ વીમો આપવા માટે તેને ભારતી એક્સા જનરલ ઇન્શ્યોરન્સ સાથે કરાર કર્યો છે. આ કરાર હેઠળ યાત્રીઓ માટેના વીમાની સુવિધા માટેના પ્રીમિયમની ચુકવણી આઈઆરસીટીસી તરફથી કરવામાં આવશે. આ વીમા સુવિધા આવવા-જવા અથવા બંને તરફની યાત્રા માટે ખરીદવામાં આવેલી બધી ટિકિટો પર ઉપલબ્ધ થશે.