IPO This Week : આ અઠવાડિયે આવી રહ્યા છે બે નવા આઈપીઓ, જાણો પ્રાઈઝ બેન્ડ

શેરબજારમાં રોકાણ કરનારાઓ માટે આ સમાચાર છે. જે લોકો આઈપીઓથી રોકાણ કરી રહ્યા છે તેમના માટે આ અઠવાડીએ 2 નવા આઈપીઓ આવી રહ્યાં છે.

આ સપ્તાહે શેરબજારમાં 2 નવી કંપનીઓના IPO ખુલવા જઈ રહ્યા છે. છેલ્લા કેટલાક દિવસોમાં ઘણી કંપનીઓના IPO ખુલ્યા છે. આમાંના ઘણામાં રોકાણકારોએ સારો નફો કર્યો છે. જો તમે હજુ સુધી IPO માં રોકાણ કરી શક્યા નથી તો આ અઠવાડિયે તમારા માટે સારી તક છે.

માર્કેટમાં IPOને લઈને ધૂમ મચાવી રહી છે. માર્કેટમાં 9 શેરનું લિસ્ટિંગ પણ થશે. અહીં અમે તમને તમામ IPO વિશે સંપૂર્ણ માહિતી આપવા જઈ રહ્યા છીએ.

Chatha Foods Limited IPO
ચાથા ફૂડ્સનો IPO 19 માર્ચે ખુલવા જઈ રહ્યો છે. રોકાણકારો આ IPOમાં 21 માર્ચ સુધી રોકાણ કરી શકે છે. કંપની આઈપીઓ દ્વારા બજારમાંથી 34 કરોડ એકત્ર કરવા માંગે છે. શેરનું લિસ્ટિંગ BSE SME પર 27 માર્ચે થશે.

ઈશ્યુની પ્રાઇસ બેન્ડ 53-56 રૂપિયા પ્રતિ શેર છે. Chatha Foods HoReCa સેગમેન્ટ એટલે કે હોટેલ્સ, રેસ્ટોરન્ટ્સ અને ડોમિનોઝ, સબવે, કાફે કોફી ડે અને વોક એક્સપ્રેસ જેવી અગ્રણી કંપનીઓને કાફે/કેટરિંગ સેવા આપે છે. આ ઈશ્યુ સંપૂર્ણપણે 59.62 લાખ શેરના નવા ઈક્વિટી વેચાણનો છે. રોકાણકારો એક લોટમાં 2000 સુધીના શેરો માટે બિડ કરી શકે છે.

Vishwas Agri Seeds IPO
વિશ્વાસ એગ્રી સીડ્સનો IPO 21 માર્ચે સબસ્ક્રિપ્શન માટે ખુલશે. રોકાણકારો તેમાં 26 માર્ચ સુધી રોકાણ કરી શકે છે. વિશ્વાસ એગ્રી બીજની પ્રક્રિયા અને વિતરણ નેટવર્ક સાથે સંકળાયેલ છે. ગયા વર્ષે જુલાઈમાં કંપનીએ વેરહાઉસ અને કોલ્ડ સ્ટોરેજની કામગીરી પણ શરૂ કરી છે.

કંપની બજારમાંથી 25.80 કરોડ એકત્ર કરવા માંગે છે. ઈશ્યુની પ્રાઇસ બેન્ડ પ્રતિ શેર 86 નક્કી કરવામાં આવી છે. તેની લોટ સાઈઝ 1600 શેર છે. શેરનું લિસ્ટિંગ 1 એપ્રિલના રોજ થશે. વિશ્વાસ એગ્રી સીડ્સનો ઈશ્યુ સંપૂર્ણપણે 30 લાખ શેરના નવા ઈક્વિટી વેચાણનો છે.

English summary

IPO This Week: Two new IPOs are coming this week, know the price band