અત્યારસુધીના સૌથી નીચલા સ્તરે રૂપિયો, 73.33 રૂપિયા પ્રતિ ડોલર

ડોલરને મુકાબલે રૂપિયામાં ઘટાડો હજુ પણ ચાલુ જ છે. આજે સવારે રૂપિયો ડોલર સામે 42 પૈસા ગગડીને 73.33 રૂપિયા પ્રતિ ડોલર પર ખુલ્યો. તેની સાથે જ રૂપિયો તેના સૌથી નીચલા સ્તરે પહોંચી ગયો છે. આ પહેલા સોમવારે રૂપિયો ડોલર સામે 43 પૈસા ગગડીને 72.91 રૂપિયા પ્રતિ ડોલર પર બંધ થયો હતો.

મંગળવારે રજા હોવાને કારણે જયારે બુધવારે બજાર ખુલ્યું ત્યારે કારોબારમાં ઘટાડો જોવા મળ્યો. સેન્સેક્સ અને નિફટી બંને ઘટાડા સાથે ખુલ્યા. દિવસની શરૂઆતમાં જ સેન્સેક્સ 200 પોઇન્ટ નીચે ગગડીને 36300 પર પહોંચી ગયું.

આ પણ વાંચો: SBIના ગ્રાહકો માટે ખાસ ખબર, હવે 20 હજારથી વધુ રૂપિયા નહિ ઉપાડી શકો

આ વર્ષે ડોલરના મુકાબલે રૂપિયામાં 14 ટકાનો ઘટાડો જોવા મળ્યો છે. ક્રૂડની કિંમત વધવાથી, ટ્રેડ વોર, કેડ વધવાની આશંકા, ડોલરમાં મજબૂતી, અને રાજનૈતિક અસ્થિરતાને કારણે રૂપિયા પર દબાણ સતત વધી રહ્યું છે. આવનારા દિવસોમાં પણ રૂપિયામાં સુધારો થાય તેવું નથી દેખાઈ રહ્યું.

આ પણ વાંચો: પોસ્ટ ઓફિસમાંની 9 ખાસ બચત યોજના, જાણો કેટલું વ્યાજ મળશે

જયારે રૂપિયામાં થતા ઘટાડાને કારણે તેલ કંપનીઓને વિદેશથી તેલ મંગાવવા માટે ભારે કિંમત ચૂકવવી પડી રહી છે. તેને કારણે પેટ્રોલ અને ડીઝલની કિંમતોમાં વધારો થવાની આશંકા વ્યકત કરવામાં આવી રહી છે. બેન્કિંગ, ઓટો, એફએમસીજી, ઓઇલ એન્ડ ગેસ અને પાવર સેક્ટર શેરમાં ભારે ઘટાડો જોવા મળી રહ્યો છે.

આ પણ વાંચો: વીમા પૉલિસીને વચ્ચે જ છોડી દીધી છે, તો થઈ શકે છે આ નુકસાન

English summary

Indian Rupee crosses 73 versus the US dollar, sensex low as well