વરરાજા રાહ જોતા રહ્યા અને દુલ્હન ફરાર થઈ ગઈ, જાણો શું છે પુરી ઘટના?
બોલિવૂડની ફિલ્મોમાં ઘણી વખત તમે લગ્ન પહેલા જ હિરોઈનોને હિરો સાથે ફરાર થતા જોઈ હશે. હવે આવો જ એક કિસ્સો હકિકતમાં સામે આવ્યો છે.
બોલિવૂડ ફિલ્મની કહાનીને ટક્કર આપે તેવો આ કિસ્સો વારાણસીમાં સામે આવ્યો છે. અહીં એક વરરાજા જાન સાથે કન્યાના ઘરે પહોંચ્યા. તે સ્ટેજ પર બેસીને દુલ્હનના આવવાની રાહ જોતો હતો પણ દુલ્હન ભાગી ગઈ.
આ મામલે બંને પક્ષો વચ્ચે પંચાયત થઈ પરંતુ મામલો ન ઉકેલાયો. બાદમાં મામલો પોલીસ સુધી પહોંચ્યો અને એક્સચેન્જ કરેલી વસ્તુઓ પરત લીધા બાદ વરરાજા લગ્ન વગર જ પરત ફર્યા.
વરઘોડા બાદ છોકરી બાજુના લોકોએ વરરાજા અને લગ્નના મહેમાનોની સારી રીતે મહેમાનગતી કરી. દ્વાર પૂજન પૂર્ણ થયું ત્યારબાદ સ્ટેજ પ્રોગ્રામ શરૂ થયો. વરરાજા સ્ટેજ પર પહોંચ્યો અને કન્યાના આવવાની રાહ જોતો બેઠો રહ્યો.
બીજી તરફ દુલ્હનનો પરિવાર દુલ્હનના રૂમમાં પહોંચ્યો તો દુલ્હન ગાયબ હતી. રૂમમાં કન્યા ન મળી આવતા પરિવારજનો આશ્ચર્યચકિત થઈ ગયા હતા. લોકોએ અહી-ત્યાં અને ગામના રસ્તાઓ પર શોધખોળ શરૂ કરી પરંતુ કન્યા વિશે કોઈ માહિતી ન મળી.
ધીમે-ધીમે જ્યારે આ સમાચાર લગ્નના મહેમાનો સુધી પહોંચ્યા તો બધા આશ્ચર્યચકિત થઈ ગયા. બંને બાજુના મોટા લોકો ભેગા થયા અને નક્કી કર્યું કે વરરાજાના લગ્ન બીજી છોકરી સાથે કરવા જોઈએ. પરંતુ છોકરો આ માટે તૈયાર નહોતો.
જે બાદ મામલો ચૌબેપુર પોલીસ સ્ટેશન પહોંચ્યો. ચૌબેપુર પોલીસ સ્ટેશનમાં બંને પક્ષો વચ્ચે લાંબા સમય સુધી પંચાયત ચાલી. પંચાયત પછી એવું નક્કી કરવામાં આવ્યું હતું કે બંને પક્ષો દ્વારા જે કંઈપણ ખર્ચ અને માલની આપ-લે કરવામાં આવા છે તે એકબીજાને પરત કરવામાં આવશે.
સંમત થયા પછી જાન અને વરરાજા કન્યા વિના પાછા ફર્યા. કન્યા ક્યાં ગઈ? શું તે પણ ભણીને ઓફિસર બનવા માંગે છે કે પછી પ્રેમ પ્રકરણના કારણે તે તેના પ્રેમી સાથે ભાગી ગઈ છે. આ અંગે હજુ સુધી કોઈ માહિતી મળી નથી.
Click it and Unblock the Notifications
Sign in with Google
