પોતાના ન્યૂડ ફોટો વેચીને ચૂંટણી લડવા રૂપિયા ભેગા કરી રહ્યા છે નેતાજી, જાણો ક્યાંની છે પુરી ઘટના?

દુનિયામાં તમે ઘણા એવા નેતાઓને જોયા હશે જે લોકોને ચૂંટણી માટે ફંડ આપવા અપીલ કરતા હોય. જો કે એક નેતાએ તો હદ જ વટાવી દીધી છે. હવે કોલંબિયાના એક નેતા મેયર બનવા માટે ચૂંટણી લડવા ન્યૂડ ફોટો વેચીને ફંડ ભેગુ કરી રહ્યા છે.

અહેવાલ અનુસાર, કોલંબિયાના ટર્બો શહેરમાં મેયરની ચૂંટણી લડવા જઈ રહેલા ઉમેદવાર ક્રિસ્ટિયન મેસ્ત્રેએ ચૂંટણી ફંડ એકઠું કરવા થોડો અલગ રસ્તો અપનાવ્યો છે.

દક્ષિણ અમેરિકામાં પહેલી ઘટના છે કે કોઈ નેતાએ ચૂંટણી લડવા માટે પોતાના પ્રાઈવેટ ફોટો વેચી રહ્યા હોય. ક્રિસ્ટિયન મેસ્ત્રે પોતાના પ્રાઈવેટ ફોટો વેચીને ચૂંટણી લડવા ફંડ ભેગુ કરી રહ્યા છે.

ક્રિસ્ટિયન મેસ્ત્રે કોલંબિયાના ટર્બો ટાઉનમાં ઓક્ટોબરમાં યોજાનારી મેયરની ચૂંટણી લડવા જઈ રહ્યા છે. અગાઉ તે એન્ટિઓક્વિઆ મ્યુનિસિપાલિટીમાં નાણા સચિવ તરીકે કામ કરતા હતા. હવે તે મેયર બનવા માંગે છે અને આ માટે તેણે સ્પષ્ટ કર્યું છે કે તે ઉદ્યોગપતિઓની મદદને બદલે પોતાના લોકોની મદદ લેશે. હવે તેને જે રસ્તો અપનાવ્યો છે તે ચર્ચાનો વિષય બન્યો છે.

ક્રિસ્ટિયન મેસ્ત્રેનો દાવો છે કે તે ઓન્લી ફેન્સ પર આવી રહ્યા છે અને તેના ફેન્સ તેને સબ્સ્ક્રાઇબ કરી શકશે. આ એક એડલ્ટ કન્ટેન્ટ સેલ કરતી સાઈટ છે.

ક્રિસ્ટિયન મેસ્ત્રે તેમના અભિયાનને શેરીથી લઈને સોશિયલ મીડિયા સુધી લઈ જવા માંગે છે અને એટલે જ તેમને આ પદ્ધતિ અપનાવી છે. તે ઓન્લી ફેન્સ પર અલગ-અલગ પ્રકારની તસવીરો મૂકશે અને તેમાં ખાનગી અને ન્યૂડ ફોટો પણ હશે.

English summary

Netaji is collecting money to fight elections by selling nude photos, where is the whole incident?