કૌટુંબિક અદાલત પહોંચ્યો અનોખો કેસ, પત્ની દારૂ ન પીતી હોવાથી પતિ પરેશાન

મધ્યપ્રદેશના કૌટુંબિક અદાલતમાં એક વિચિત્ર કેસ સામે આવ્યો છે. અહીંના કાઉન્સેલર એમાં જ ગુંચવાયા છે. ઘણી વાર કપલો એકબીજાની દારૂ પીવાની ટેવથી પરેશાન રહેતા હોય છે.

Updated: Friday, June 28, 2019, 17:15 [IST]

મધ્યપ્રદેશના કૌટુંબિક અદાલતમાં એક વિચિત્ર કેસ સામે આવ્યો છે. અહીંના કાઉન્સેલર એમાં જ ગુંચવાયા છે. ઘણી વાર કપલો એકબીજાની દારૂ પીવાની ટેવથી પરેશાન રહેતા હોય છે. પરંતુ અહીંનો મુદ્દો થોડો ઊંધો છે. દારૂ ન પીવાની ટેવથી સ્ત્રીના પતિને તકલીફો આવે છે. તે ઇચ્છે છે કે પત્ની ફક્ત ફેમિલી ફંકશનમાં જ દારૂ પીવાનું ચાલુ કરે, જેમ કે અન્ય લોકો પીતા હોય છે.

આ પણ વાંચો: માર્કેટમાં 70 હજાર રૂપિયે કિલો છે, આ ખીરાની કિંમત, સમુદ્રના તળિયે મળે છે

કાઉન્સેલરે કહ્યું - પ્રથમ વાર આવો કેસ સાંભળ્યો

કાઉન્સેલર શેલ અવસ્થિએ કહ્યું કે આ કેસ પોતાનામાં જ કંઈક અલગ છે અને મેં તેના વિશે ક્યારેય સાંભળ્યું નથી. તેમણે કહ્યું કે આ એક મધ્યમ વર્ગનું કુટુંબ છે. પતિ પ્રાઇવેટ જોબ કરે છે અને વધુ પૈસાવાળા લોકો નથી. આખા કુટુંબમાં, માતા, પિતા અને ભાઈ-બહેનો બધાને ફેમિલી ફંકશનમાં દારૂ પીવાનું પસંદ છે પરંતુ તેની પત્નીને તે ગમતું નથી.

સાસરીના લોકો દારૂ પીવા માટે દબાણ કરે છે

દંપતિના લગ્ન પછી થોડા સમય માટે બધું બરાબર હતું, પરંતુ પછીથી સાસરીવાળા મહિલા પર દારૂ પીવા માટે દબાણ કરવા લાગ્યા. મહિલાએ ના પડી તો વિવાદ શરૂ થઇ ગયો. આ દંપતિના ત્રણ બાળકો છે જે 9, 6 અને 4 વર્ષનાં છે. પરંતુ શરૂઆતથી દારૂ પરનો વિવાદ ચાલી રહ્યો છે.

દારૂ પસંદ નથી તો દબાણ ન કરો

શેલ અવસ્થિએ કહ્યું કે 'આ બાબતમાં વિવાદ થાય ત્યારે, પત્ની ઘણી વખત તેના બાળકોને લઈને પિયર જતી રહેતી હતી. તેણે દારૂને સ્પર્શ કરવાનો પણ ઇનકાર કર્યો કારણ કે તેના પરિવારમાં કોઈ પણ તેનું સેવન કરતુ નથી. જો કે, તેણીએ ક્યારેય તેના પતિને દારૂ છોડવાનું કહ્યું ન હતું. કાઉન્સેલર પાસે પહોંચેલી બંને પાર્ટી સમાધાન માટે તૈયાર નહોતી. આના પર, કાઉન્સેલરે તેના પતિ અને તેના પરિવારને સમજાવવાનો પ્રયાસ કર્યો કે જો પત્નીને પસંદ નથી તો પીવા માટે દબાણ ન કરો.