ગજબ.. સમુદ્રમાં લાગી આગ, 'રિંગ્સ ઓફ ફાયર' જોઇ લોકો ડર્યા, આ રીતે મેળવ્યો કાબુ

સોશિયલ મીડિયા પર આ દિવસોમાં એક વીડિયો વાયરલ થઈ રહ્યો છે. વાયરલ વીડિયોમાં દરિયામાં આગ લાગી રહી છે. પાણીની ઉપર અગ્નિની મોટી રીંગ દેખાય છે. જે પાણી ઓલવવાના મશીનો દ્વારા ઓલવવામાં આવતી હોય તેવું લાગી રહ્યું છે. પાણીની ઉપર આ આ

Published: Saturday, September 10, 2022, 17:56 [IST]

સોશિયલ મીડિયા પર આ દિવસોમાં એક વીડિયો વાયરલ થઈ રહ્યો છે. વાયરલ વીડિયોમાં દરિયામાં આગ લાગી રહી છે. પાણીની ઉપર અગ્નિની મોટી રીંગ દેખાય છે. જે પાણી ઓલવવાના મશીનો દ્વારા ઓલવવામાં આવતી હોય તેવું લાગી રહ્યું છે. પાણીની ઉપર આ આગમાંથી લાંબી જ્વાળાઓ ઉછળતી જોવા મળે છે. સોશિયલ મીડિયા પર વાયરલ થયેલા તેનો વિલક્ષણ વીડિયો જોઈને લોકો તેને 'આઈ ઓફ ફાયર' કહી રહ્યા છે.

સમુદ્રમાં લાગી આગ

વાસ્તવમાં વાયરલ થઈ રહેલો આ વીડિયો એક વર્ષ જૂનો છે. આ વીડિયો મેક્સિકોના અખાતનો છે. ગયા વર્ષે જુલાઈમાં પાણીની અંદરની પાઈપલાઈનમાંથી ગેસ લીક થયા બાદ સમુદ્રના પાણીમાં આગ લાગી હતી. ઘટના બાદ દરિયામાં આગની ભીષણ જ્વાળાઓ દેખાવા લાગી હતી. આ પાઈપલાઈન મેક્સીકન સરકારની માલિકીની પેમેક્સ પેટ્રોલ કંપનીની છે. પાઈપલાઈનમાં આગ લગભગ 5 કલાક સુધી ચાલુ રહી હતી.

પીગળેલો લાવા બહાર નિકળી રહ્યો હોય તેવા દ્રશ્યો

લોકો ફરી એકવાર આ વીડિયોને સોશિયલ મીડિયા પર શેર કરી રહ્યા છે. વાયરલ થઈ રહેલા વીડિયોમાં જોઈ શકાય છે કે ચળકતી નારંગી રંગની જ્વાળાઓ વહેતા લાવાની જેમ સમુદ્રની સપાટીથી ઉપર આવી રહી છે. આ ભીષણ આગને જોઈને એવું લાગે છે કે જાણે દરિયાની અંદરથી પીગળેલો લાવા બહાર આવી રહ્યો છે. એટલા માટે લોકો તેને 'આઈ ઓફ ફાયર' કહેવા લાગ્યા.

આગ પર કાબુ મેળવવા નાઇટ્રોજનનો કરાયો ઉપયોગ

પેમેક્સ ઓઇલ પ્લેટફોર્મથી જ ફાટી નીકળેલી આગને બુઝાવવામાં પાંચ કલાકથી વધુ સમય લાગ્યો હતો. વાયરલ થઈ રહેલા વીડિયોમાં અનેક અગ્નિશામકો આગ પર નાઈટ્રોજન છાંટતા જોવા મળે છે. તમને જણાવી દઈએ કે આગ પર કાબૂ મેળવવા માટે નાઈટ્રોજનનો ઉપયોગ કરવામાં આવ્યો હતો. સમુદ્રના મોજા અને તેની ઉપર આગની ભયાનક જ્વાળાઓ જોઈને લોકો ગભરાઈ ગયા.

WATCH: Flames shooting from the Gulf of Mexico after gas leak causes pipeline to catch fire pic.twitter.com/4LNOAY8w7I
— BNO News (@BNONews) July 2, 2021

આ આગ ડ્રિલિંગ પ્લેટફોર્મથી માત્ર 150 મીટર દૂર હતી

ઓઇલ લીકની ઘટના ડ્રિલિંગ પ્લેટફોર્મથી માત્ર 150 મીટર દૂર બની હતી. કુ માલુબ જાપ તેલ પ્રોજેક્ટ પેમેક્સ કંપનીની સૌથી મોટી ઉત્પાદક છે. અહીંથી દરરોજ 7 લાખ બેરલ તેલ કાઢવામાં આવે છે. આ ઘટનામાં કોઈ જાનહાનિ કે ઈજા થઈ ન હતી. કુ મલુબ જાપની પ્રોડક્શન ફેસિલિટી ખાતેની ટર્બોમશીનરીને વીજળીના તોફાન અને ભારે વરસાદને કારણે નુકસાન થયું હતું.

Published On September 10, 2022