અવકાશમાં જનારા વૈજ્ઞાનિકોની ઉમર વધવાનું અટકી જાય છે? જાણો શું છે હકિકત?

By Desk

Published: Monday, August 28, 2023, 23:09 [IST]

ભારતે ચંદ્રની ધરતી પર લેન્ડિંગ કરીને ઇતિહાસ રચી દીધો છે ત્યારે હવે સ્પેસ સાયન્સમાં લોકોની રૂચી વધી રહી છે. સ્પેસને લઈને લોકોમાં ઘણા સવાલ છે. આમાંથી એક સવાલ એ છે કે અવકાશમાં વૈજ્ઞાનિકોની ઉમર વધતી અટકી જાય છે. આજે આપણે એના વિશેે જ વાત કરવાના છીએ.

અવકાશને લઈને ચાલી આવતી ઘણી માન્યતાઓમા આ એક સૌથી પ્રચલિત માન્યતા છે. ઘણા લોકો માને છે કે અવકાશમાં ગયા પછી વ્યક્તિની ઉમર વધવાનું બંધ થઈ જાય છે. દાવો કરવામાં આવે છે કે અવકાશમાં ગયા પછી તમે કાયમ યુવાન રહી શકો છો.

છેલ્લા કેટલાક દાયકાઓથી વિવિધ દેશ તેના અવકાશયાત્રીઓને અવકાશમાં મોકલી રહ્યા છે. આઓ વૈજ્ઞાનિકો અંતરિક્ષમાં ઘણા દિવસો વિતાવીને રહસ્યો ઉકેલવા માટે રિસર્ચ કરતા રહે છે. આ અવકાશયાત્રીઓ અવકાશમાંથી પાછા ફરે ત્યારે તેમાં ઘણા ફેરફારો જોવા મળ્યા થે.

નાસાએ આવા મુસાફરોનો અભ્યાસ કરીને જાણ્યુ છે કે તેમનામાં શું પરિવર્તન આવ્યું છે. અવકાશમાંથી પાછા ફર્યા પછી અવકાશયાત્રીઓમાં એનિમિયા સૌથી સામાન્ય છે. તેને સ્પેસ એનિમિયા પણ કહેવામાં આવે છે.

અવકાશમાં ઉમર નથી વધતી એ સવાલનો સાચો જવાબ જાણવા માટે નાસાએ એક ટેસ્ટ કર્યો હતો. આ ટેસ્ટ બે જોડિયા ભાઈઓનો કરાયો હતો. આ બંને ભાઈઓ અવકાશયાત્રી હતા, જેમાંથી એકને અવકાશમાં મોકલવામાં આવ્યા અને બીજા પૃથ્વી પર હતો. સ્કોટ કેલીએ અવકાશમાં 340 દિવસ ગાળ્યા, જ્યારે જોડિયા ભાઈ માર્ક પૃથ્વી પર રહ્યા.

સ્કોટ કેલી જ્યારે અવકાશમાંથી પરત ફર્યા ત્યારે જાણવા મળ્યું કે તેના જીન્સમાં ઘણા ફેરફારો થયા છે. તેમના ડીએનએમાં આવા કેટલાક ફેરફારો જોવા મળ્યા, જે પૃથ્વી પર થતા નથી. આ જ કારણ હતું કે સ્કોટ તેના ભાઈ માર્ક કરતાં નાના દેખાતા હતા.

જો કે આ પછીના 6 મહિનામાં સ્કોટ કેલીના જીન્સમાં ફેરફાર સામાન્ય થઈ ગયો. લાંબા સમય સુધી અવકાશમાં રહ્યા પછી કેટલાક એવા ફેરફારો થાય છે જેના કારણે તમે તમારી ઉંમરના બાકીના લોકો કરતા થોડા નાના દેખાઈ શકો છો.

Published On August 28, 2023